ދެކުނުގެ ދެ ސިޓީގައި ހިންގި "ހޭލުންތެރި މީޑިއާ" ތަމްރީން ޕްރޮގްރާމް ނިންމާލައިފި

އައްޑޫ ސިޓީ އަދި ފުވައްމުލައް ސިޓީގެމަތީ ތައުލީމު ހާސިލްކުރަމުންދާ ދަރިވަރުންނާއި، ނޫސްވެރިންނަށް ހާއްސަކޮށްގެން ކުރިއަށްގެންދިޔަ "ހޭލުންތެރި މީޑިއާ" ޓްރެއިނިންގ ޕްރޮގްރާމް ނިންމާލައިފިއެވެ.

ޒުވާނުން ބާރުވެރިކުރުމާއި މައުލޫމާތާއި ފަންނާއިބެހޭ ވުޒާރާއިން އިސްނަގައިގެން ހިންގި މި ޕްރޮގްރާމަކީ ދެދުވަހުގެ މުއްދަތައް މިމަހުގެ 19 އިން 20 އަށް ކުރިއަށް ފުވައްމުލައް ސިޓީގައި ކުރިއަށްގެންދިޔަ ޕްރޮގްރާމެކެވެ. މި ޕްރޮގްރާމް 30 މީހަކު ފުރިހަމަކުރިއެވެ.

Yesterday's Thayyaaruvama workshop concluded with a ceremony celebrating 50 young Maldivians who gained valuable skills for their future careers. This workshop focused on life values, motivation and goal setting, team building, interview process, and career planning. pic.twitter.com/aapjYbNQ8E

— Ministry of Youth Empowerment, Information and Art (@YouthGovMv) July 21, 2024

މި ޕްރޮގްރާމުގެ މަޤްޞަދަކީ، ނޫސްވެރިންނަށް ބައިނަލްއަޤްވާމީ ބެސްޓް ޕްރެކްޓިސްތަކާއި އެއްގޮތައް ފަންނީ ތަމްރީނު ދިނުމާއި، ދާއިރާގައި ދިމާވާ ގޮންޖެހުންތަކާއި ކުރިމަތިލައި، ދޮގު ޚަބަރުގެ ސަބަބުން ލިބޭ ގެއްލުންތައް ކިޔައިދީ، ނޫސްވެރިން ޒަމާނީ ނޫސްވެރިކަމަކަށް ހޭލުންތެރި ކުރުވުމެވެ. މިގޮތުން މިކަންކަން ހާސިލްކުރުމަށް ބައިވެރިންނަށް އެކި މައުޟޫތަކުގައި 10 ސެޝަނެއް ވަނީ ނަގާދީފައެވެ. މި ސެޝަންތައް ނަގައިދީފައިވަނީ ރާއްޖޭގައި ތިބި ފަންނީ ތަޖުރިބާކާރުންނެވެ.

މީގެ ތެރޭގައި ނޫސްވެރިކަމާއި، ނޫސްވެރިކަމުގެ އަޚްލާގު، ނޫސްވެރިކަމުގެ ވައްތަރުތަކާއި ލިޔުންތެރިކަމުގެ ވައްތަރުތައް، ދިވެހިރާއްޖޭގެ ތަރައްގީގައި ނޫސްވެރިންގެ ދައުރު، ތަހުގީގީ ނޫސްވެރިކަން ނުވަތަ އިންވެސްޓިގޭޓިވް ޖާރނަލިޒަމް، އެކި އެކި ފިކުރުތަކާއި ނޫސްވެރިކަން އަދި ނޫސްވެރިކަމުގެ ބަސްމަގު، ނޫސްވެރިންނަށް ކުރިމަތިވާ ގޮންޖެހުންތަކާއި ހުރި ފުރުސަތުތައް އަދި ފޭކް ނިއުސް އެންޑް ޝޮލިއުޝަން ޖާރނަލިޒަމް ހިމެނެއެވެ.

ހޭލުންތެރީ މީޑިއާ ނިންމުމުގެ ރަސްމިއްޔާތުގެ ތެރެއިން. މި މީޑިއާ ޓްރެއިނިންގް ޕްރޮގްރާމް ފުރިހަމަކުރި އައްޑޫ އާއި ފުވައްމުލަކުގެ 28 ބައިވެރިއަކަށް ވަނީ ސެޓްފިކެޓް ހަވާލުކޮށްފައި.@OoredooMaldives @USAIDMaldives @ndiasia pic.twitter.com/Vgmj277ZS8

— Ministry of Youth Empowerment, Information and Art (@YouthGovMv) July 21, 2024

މި ޕްރޮގްރާމް ނިންމުމުގެ ރަސްމިއްޔާތު ޝަރަފުވެރިކޮށްދެއްވައި ވާހަކަ ދައްކަވަމުން ފުވައްމުލައް ސިޓީގެ މޭޔަރު އިސްމާޢީލް ރަފީޤް ވިދާޅުވީ، ނޫސްވެރިންނަކީ މުޖްތަމަޢުގެ ހިޔާލު ބައްޓަން ކުރާ ބައެއް ކަމަށްވުމާއިއެކު، މުޖްތަމަޢުގެ ޚިޔާލު ރަނގަޅު ގޮތުގައި ދެމެހެއްޓުމަށް މަސައްކަތް ކުރަންޖެހޭ ކަމަށެވެ. މީގެ އިތުރުން، ދޮގު ހަބަރުގެ ސަބަބުން މުޖުތަމަޢުއަށް ބޮޑެތި ގެއްލުންތަކެއް ލިބިގެންދާ ކަމަށް މޭޔަރ ވިދާޅުވިއެވެ.

މި ޕްރޮގްރާމް ފުރިހަމަކުރި ބައިވެރިންނަށް ވަނީ ހަނދާނީ ލިޔުން ދީފައެވެ. މި ޕްރޮގްރާމަކީ ޒުވާނުން ބާރުވެރިކުރުމާއި މައުލޫމާތާއި ފަންނާއިބެހޭ ވުޒާރާއިންނާއި، ނޭޝަނަލް ޑިމޮކްރެޓިކް އިންސްޓިޓިއުޓް ގުޅިގެން ފުވައްމުލަކު ސިޓީ ކައުންސިލުގެ އެހީތެރިކަމާއެކު ކުރިއަށް ގެންދިޔަ ޕްރޮގްރާމެކެވެ.