"ޖަރުމަނުން ބޭނުންވާނީ މޮޅުވާން، އަހަރެމެންވެސް ނިކުންނާނީ މޮޅުވުމަށްސްޓީވް ކްލާކް
މިފަހަރުގެ ޔޫރޯގެ ހުޅުވާ މެޗުގައި މިރޭ މުބާރާތް ބާއްވާ ގައުމު، ޖަރުމަނާ ދެކޮޅަށް ކުޅޭ މެޗުގެ ކުރިން އިއްޔެ ބޭއްވި ނޫސްވެރިންގެ ބައްދަލުވުމުގައި ސްކޮޓްލެންޑްގެ ކޯޗު، ސްޓީވް ކްލާކް ބުނީ، މިއީ ވަރަށް ކުރިއްސުރެ ކުރަމުންއައި ދިގު އިންތިޒާރެއްގެ ނިމުން ގެނެސްދޭ ދުވަސް ކަމަށެވެ.
ކްލާކް ބުނީ، ކޮލިފިކޭޝަނަށްފަހު މިދިޔަ ދުވަސްތައް ފެނުނީ ވަރަށް ދިގު މުއްދަތެއްގެ ގޮތުގައި ކަމަށާއި، އޮކްޓޫބަރުގެ ފަހުން މިވީ މުއްދަތުގެ ތެރޭގައި ދިގު އިންތިޒާރެއް ކޮށްފައިވާ ކަމަށެވެ. އޭނާގެ ޓީމުން ފުރިހަމައަށް ތައްޔާރުވެގެން ތިބި ކަމަށާއި، ރަނގަޅު މެޗެއް ފެނިގެންދާނެ ކަމަށް ކްލާކް ބުންޏެވެ.
ކްލާކް އިތުރަށް ބުނީ، އޭނާގެ ކުޅުންތެރިންގެ ކިބައިން އެދެނީ، ކުރިއަށް އޮތް މެޗަށްދާއިރު މި މެޗުން (ޖަރުމަނު އަތުން) ޕޮއިންޓެއް ހޯދުމަށް ކަމަށެވެ. ތިން ޕޮއިންޓް ލިބިއްޖެނަމަ ރަނގަޅު ވާނެ ކަމަށާއި، އެކަމަކު އެއް ޕޮއިންޓު ލިބުމަކީ ވެސް ރަނގަޅު ނަތީޖާއެއް ކަމަށް ކްލާކް ބުންޏެވެ.
ކްލާކްގެ ވާހަކައިގައި ވަނީ، މުބާރާތް ބާއްވާ ގައުމު ޖަރުމަނާ ދެކޮޅަށް ރަނގަޅު ނަތީޖާއެއް ކޮންމެހެން ހޯދުމަށް ބޭނުންވާކަން ހާމަކޮށްފައެވެ. އަދި އޭނާގެ ޓީމުން މުބާރާތަށް އައުމުގެ ބޭނުމަކީ އެއީ ކަމަށާއި، ގައުމަށްޓަކައި ރަނގަޅު ނަތީޖާއެއް ކޮންމެހެން ހޯދުމަށް ބޭނުންވާކަމަށް ވެސް ކްލާކް ފާހަގަކުރިއެވެ. ޖަރުމަނުން ބޭނުންވާނީ މޮޅެއް ކަމަށާއި، އޭނާގެ ޓީމު ވެސް ނިކުންނާނީ އެ އަޒުމުގައި ކަމަށް ނިންމާލަމުން ކްލާކް ބުންޏެވެ.
ސްކޮޓްލެންޑްގެ ކެޕްޓަން، އެންޑީ ރޮބަޓްސަން ބުނީ، ކޮންމެ މެޗެއްގައި ނަތީޖާ ނެރެވިދާނެ ކަމަށް ގަބޫލުކުރަންޖެހޭނެ ކަމަށެވެ. އޭނާގެ ޓީމުން މަސައްކަތްކުރަނީ އެގޮތަށް ގަބޫލުކޮށްގެން ކަމަށާއި، ކޮންމެ ޓީމަކަށް ވެސް އުނދަގޫތައް ކުރިމަތިކުރެވިދާނެ ކަމަށް ވެސް ރޮބަޓްސަން ބުންޏެވެ.
އެހެންނަމަވެސް، ޖަރުމަނާ ދެކޮޅަށް ކުޅެން ފަސޭހަނުވާނެ ކަމަށާއި އޭނާ ޖަރުމަނު ސިފަކުރާނީ އެ ގްރޫޕުން ބޮޑު ނުރައްކަލެއްގެ ގޮތުގައި ކަމަށް ރޮބަޓްސަން ބުންޏެވެ.
ޖަރުމަނާއި ސްކޮޓްލެންޑްގެ އިތުރުން ގްރޫޕް އޭގައި ދެން ހިމެނެނީ ހަންގޭރީ އާއި ސްވިޒަލެންޑެވެ.