ވިޝާމް އަވަހާރަވުން، ޤާނޫނީ ދާއިރާއަށް ފުން ހިތާމައެއް!

ބާ ކައުންސިލްގެ ރައީސްގެ މާގާމުގައި ހުންނެވި އަލްއުސްތާޛު އިސްމާޢީލް ވިޝާމް އަވަހާރަވުމާ ގުޅިގެން ގިނަ ބަޔަކު ތައުޒިޔާ ވިދާޅުވެއްޖެއެވެ.

ކުއްލިގޮތަކަށް ވިޝާމް އަވަހާރަވެފައިވަނީ ރޭގެ ވަގުތެއްގައެވެ. އަވަހާރަވިއިރު ޢުމުރުފުޅަކީ39 އަހަރެވެ.

ވިޝާމް އަވަހާރަވުމާ ގުޅިގެން ގިނަ ބަޔަކު ވަނީ ސޯޝަލް މީޑިއާގައި ހިތާމަ ފާޅުކޮށްފައެވެ. މީގެ ތެރޭގައި ޤާނޫނީ ދާއިރާގައި މަސައްކަތް ކުރައްވާ ފަރާތްތަކާއި ދައުލަތުގެ އިސް ބޭފުޅުން ހިމެނިވަޑައިގަންނަވައެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެކްސްގައި ކުރެއްވި ޕޯސްޓެއްގައި ވިދާޅުވީ ވިޝާމް އަވަހާރަވުމަކީ ރާއްޖޭގެ ޤާނޫނީ ޚިދުމަތުގެ ދާއިރާއަށް ލިބުނު ފޫނުބެދޭނެ އުނިކަމެއް ކަމަށެވެ. އަދި ގެއްލިގެން ދިޔައީ ޤައުމަށް ޚިދުމަތްތެރި ތަޢުލީމީ ދަރިއެއް ކަމަށް ކަމަށް ވެސް ރައީސް ވިދާޅުވިއެވެ.

ބާ ކައުންސިލްގެ ރައީސް އަލްއުސްތާޛު އިސްމާޢީލް ވިޝާމް އަވަހާރަވުމަކީ ރާއްޖޭގެ ޤާނޫނީ ޚިދުމަތުގެ ދާއިރާއަށް ލިބުނު ފޫނުބެދޭނެ އުނިކަމެކެވެ. ޤައުމަށް އެ ގެއްލުނީ ޚިދުމަތްތެރި ޒުވާން ތަޢުލީމީ ދަރިއެކެވެ.

ޤައުމީ ހިތާމައިގެ މި ދަނޑިވަޅު އަޅުގަނޑުގެ އިޚްލާޞްތެރި ތަޢުޒިޔާ މަރުޙޫމްގެ…

— Dr Mohamed Muizzu (@MMuizzu) January 31, 2024

ކުރީގެ ރައީސް އިބްރާހިމް މުޙައްމަދު ޞާލިހުވެސް ވަނީ ވިޝާމް އަވަހާރަވުމަކީ ޤާނޫނީ ދާއިރާއަށް ލިބިގެންދިޔަ ހުސްކަމެއް ކަމަށް ސިފަކުރައްވާފައެވެ. އަދި ރާއްޖޭގެ ޤާނޫނީ ދާއިރާ ކުރިއަރުވަން ޒުވާން އުމުރުފުޅުގައި ކޮށްދެއްވި މަސައްކަތް އަބަދުވެސް ފާހަގަކޮށްލެވޭނެ ކަމަށް އެމަނިކުފާނު ވިދާޅުވިއެވެ.

ބާރ ކައުންސިލްގެ ރައީސް އަދި ކުޅަދާނަ ޤާނޫނީ ވަކީލް އިސްމާޢީލް ވިޝާމް ކުއްލި ގޮތަކަށް އަވަހާރަވުމުން ރާއްޖޭގެ ޤާނޫނީ ދާއިރާއަށް ލިބިގެން އެދިޔައީ ނުހަނު ބޮޑު ހުސްކަމެއް. އެހާ ޒުވާން އުމުރުގައި ރާއްޖޭގެ ލީގަލް ޕްރޮފެޝަން ކުރިއެރުވުމަށް ވިޝާމް
ކޮށްދެއްވި މަސައްކަތް އަބަދުވެސް…

— Ibrahim Mohamed Solih (@ibusolih) February 1, 2024

ވިޝާމްއާއި އަރިސް ބޭފުޅުން އޭނާ ސިފަ ކުރައްވަނީ ގާބިލު ވަކީލެއް އަދި ރަނގަޅު އެކުވެރިއެއްގެ ގޮތުގައެވެ. ބާ ކައުންސިލްގެ ރައީސްގެ މަގާމުގައި ވިޝާމް ހުންނެވިއިރު ރާއްޖޭގެ ޤާނޫނީ ފަންނަށް އަގުހުރި ޚިދުމަތްތަކެއް ކޮށްދެއްވިކަން އެ ކައުންސިލުން ވެސް ފާހަގަކުރެއެވެ. އަދި އެއީ ޤާނޫނީ ވަކީލުންގެ މަސައްކަތަށް ބޭނުންވާ ކަންކަން ފަހިކޮށްދެއްވުމަށް ގިނަ މަސައްކަތްތަކެއް ކޮށްދެއްވާފައިވާ ބޭފުޅެއް ކަމަށް ވެސް އެ ކައުންސިލުން ފާހަގަކުރެއެވެ.

Members of the Executive Committee, Bar Council & the Secretariat offer their deepest condolences to the family & loved ones of our President, Uz. Ismail Wisham, on his tragic passing. May Allah SWT forgive his shortcomings & grant him Jannah. pic.twitter.com/g1gozZYwN8

— Bar Council of the Maldives (@MvBarCouncil) January 31, 2024

ވިޝާމް އަކީ 2009 ވަނަ އަހަރުން ފެށިގެން ރާއްޖޭގެ ޤާނޫނީ ދާއިރާގައި ޚިދުމަތް ކުރައްވަމުން ގެންދެވި ބޭފުޅެކެވެ. މެލޭޝިއާގެ އިންޓަނޭޝަނަލް އިސްލާމިކް ޔުނިވަރސިޓީއިން ޤާނޫނީ ދާއިރާއިން މާސްޓާސް ހާސިލް ކުރައްވައި ވިޝާމް ވަނީ ދިވެހިރާއްޖޭގެ އެޓަރނީ ޖެނެރަލްގެ ނައިބުގެ މަގާމުވެސް އަދާ ކުރައްވާފައެވެ.

Deeply saddened by the news of the passing of Uz. Ismail Wisham, President of the @MvBarCouncil. His leadership and dedication have left an indelible mark on our legal community. Heartfelt condolences to his family and friends. May Allah Almighty grant him Jannat ul Firdaus, and… pic.twitter.com/B9rjrMNmGW

— Ahmed Usham (@a_usham) January 31, 2024

ބާ ކައުންސިލްގެ ރައީސްގެ މަގާމަށް ވިޝާމް އިންތިޚާބުވެވަޑައިގެންނެވީ އެ ކައުންސިލްގެ ދެވަނަ ދައުރުގައި 11 ޖޫން 2022 ގައެވެ. ވިޝާމް އަކީ 2011 ވަނަ އަހަރުން ފެށިގެން ޗާޓަޑް އިންސްޓިޓިއުޓް އޮގް އާބިޓްރޭޓާސް ގެ އެސޯސިއޭޓް މެންބަރެއްވެސްމެއެވެ.

ޤާނޫނީ ވަކީލެއްގެ ގޮތުގައި ވިޝާމް މަސައްކަތް ފެއްޓެވީ ސުއޫދު އެންޑް އަންވަރު ލޯ ފާމުންނެވެ. އެއަށްފަހު 2016 ވަނަ އަމިއްލަ ލޯ ފާމު ކަމަށްވާ، ވިޝާމް، ޒާހިރު އެންޑް ކޯ އުފެއްދެވިއެވެ.

މީގެ އިތުރުން ވިޝާމް ގެންދެވީ ވިޔަފާރިއާއި ކޮމާޝަލް ލޯގެ ދާއިރާއިން ދަރިވަރުންނަށް ޕާޓް ޓައިމްކޮށް ކިޔަވައިދެއްވަމުންނެވެ. ގިނަ ބަޔަކު އޭނާ ސިފަކުރަނީ ވަރުގަދަ ލީޑަރެއްގެ ގޮތުގައެވެ.