ޚަބަރު
ފޯކައިދޫ ކައިރިން ޑިންގީއެއް ބަންޑުންޖަހާލުމާ ގުޅިގެން ސިފައިން ހަރަކާތްތެރިވާން ފަށައިފި
-
ލޯންޗު ދަތުރުކުރަމުންދިޔައީ ކުޅުދުއްފުށިން ށ. މިލަންދޫއަށް
-
ޙާދިސާގެ މަޢުލޫމާތު ލިބުނީ މިރޭ 22:23 ހާއިރު
ށ. ފޯކައިދޫ ފަޅުތެރޭގައި އަޅާފައިވާ އުޅަނދުތަކެއް / ފޮޓޯ: ޕީ.އެސް.އެމް ނިއުސް
ށ. ފޯކައިދޫ ކައިރިން ޑިންގީއެއް ބަންޑުޖަހާލުމާގުޅިގެން އެމްއެންޑީއެފްއިން ހަރަކާތްތެރިވާން ފަށައިފިއެވެ.
އެމްއެންޑީއެފްއިން ވިދާޅުވީ، މި ޑިންގީއަކީ ހދ. ކުޅުދުއްފުށިން ފުރައިގެން ށ. މިލަންދޫއަށް ދަތުރުކުރަމުންދިޔަ ޑިންގީއެއްކަމަށެވެ. އަދި ޑިންގީ ބަންޑުން ޖަހާލިކަމުގެ މަޢުލޫމާތު ލިބުނީ މިރޭ 22:23 ހާއިރުކަމަށެވެ. ޙާދިސާ ހިނގިވަގުތު ޑިންގީއިން ދަތުކުރީ ކިތައް މީހުންނެއްކަމެއް އަދި ސާފެއްނުވެއެވެ.
ށ.ފޯކައިދޫ ކައިރިން ބަންޑުން ޖަހާލުމާގުޅިގެން އެމްއެންޑީއެފް ނޮދަން އޭރިއާ ކޮމާންޑް ކޯސްޓްގާޑް ފަސްޓް ސްކޮޑްރަން އިން ހަރަކާތްތެރިވަމުންދާކަމަށް އެމް.އެން.ޑީއެފްއިން ވިދާޅުވެއެވެ. ނަމަވެސް މި ޙާދިސާއާބެހޭ އިތުރު ތަފްޞީލެއް އަދި ދެއްވާފައެއްނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ