ޚަބަރު
ބައި-އިލެކްޝަން: ރައީސް ޔާމީނާއި، ރައީސް ނަޝީދު ވޯޓު ލައްވައިފި
-
ރައީސް ނަޝީދު ވޯޓު ލެއްވީ އަމީނިއްޔާ ސްކޫލަށް
-
ރައީސް ޔާމީން ވޯޓު ލެއްވީ ޖަމާލުއްދީން ސްކޫލަށް
ކުރީގެ ރައީސް ޢަބްދުﷲ ޔާމީން ޢަބްދުލްގައްޔޫމާއި، ރައީސް މުޙައްމަދު ނަޝީދު ވޯޓުލެއްވުން--
މިހާރު ކުރިއަށްދާ މާލެ ސިޓީ ކައުންސިލްގެ ބައި އިލެކްޝަނުގައި ކުރީގެ ދެ ރައީސުން ކަމަށްވާ އަބްދުﷲ ޔާމީން އަބްދުލްޤައްޔޫމާއި މުޙައްމަދު ނަޝީދު ވޯޓު ލައްވައިފިއެވެ.
ރައީސް ނަޝީދު ވޯޓު ލެއްވީ އަމީނިއްޔާ ސްކޫލަށެވެ. އަދި ރައީސް ޔާމީން ވޯޓު ލެއްވީ ޖަމާލުއްދީން ސްކޫލަށެވެ.
މިއަދު ކުރިއަށްދާ ބައި އިލެކްޝަން ގައި މާލެ ސިޓީގެ މޭޔަރު ހޮވާނެއެވެ. އަދި މިވަގުތު ހުސްވެފައިވާ މާލެ ސިޓީ ކައުންސިލްގެ ތިން ދާއިރާއަކަށް މެންބަރުން ހޮވާނެއެވެ.
މިއަދުގެ އިންތިޚާބުގެ ވޯޓުލުން ހަވީރު 17:00 އާ ހަމައަށް ކުރިއަށްދާއިރު މި އިންތިޚާބުގައި ޖުމްލަ 54،680 މީހުންނަށް ވޯޓުލުމުގެ ޙައްގު ލިބިފައިވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ