ދެކުނަށް މޫސުން ގޯސްވެ އޮރެންޖު ސަމާލު، ދަތުރުކުރުން ރައްކާތެރިއެއް ނޫން!

ރާއްޖޭގެ ދެކުނަށް މޫސުން ގޯސްވެ ވައިގަދަވާނެތީ އޮރެންޖު ސަމާލު ނެރެފިއެވެ. އޮރެންޖު ސަމާލު ނެރެފައިވަނީ ފުވައްމުލައް ސިޓީން ފެށިގެން އައްޑޫ ސިޓީއާއި ހަމައަށެވެ.

މޫސުމާ ބެހޭ ޤައުމީ އިދާރާއިން ބުނީ އެ ސަރަހައްދަށް ގުގުރުމާއެކު ބޯކޮށް ވާރޭ ވެހޭނެމަށާއި، ފެންބޮޑުވުންވެސް އެކަށީގެންވާކަމަށެވެ. އޮރެންޖު ސަމާލަކީ މޫސުމީ ސަމާލުތަކުގެ ތެރެއިން ތިންވަނަ ދަރަޖައިގެ ސަމާލެވެ.

މޫސުމާބެހޭ ޤައުމީ އިދާރާއިން ވަނީ ނ.އަތޮޅުން ފެށިގެން ދ.އަތޮޅާ ހަމައަށް ރީނދޫ ސަމާލު ނެރެފައެވެ.

Alert orange for torrential rain and thunderstorms with possible flooding expected. pic.twitter.com/2HRQz1POd1

— Maldives Meteorology (@MetMaldives) December 27, 2023

ކުރިއަށް އޮތް 3 ދުވަހު، ހާއްސަކޮށް އުތުރާއި މެދުރާއްޖެތެރެއަށް ގަދަވަޔާއެކު ކަނޑުތައް ވަރަށް ގަދަވާނެ ކަމަށްވެސް މޫސުމާއި ބެހޭ ޤައުމީ އިދާރާއިން ވިދާޅުވެއެވެ.

މިދިޔަ ހަފްތާއިން ފެށިގެން ރާއްޖެއަށް މޫސުން ގޯސްވުމާއި ގުޅިގެން، މޫސުމާއި ގުޅޭ ޤައުމީ އިދާރާއިން ދަނީ މޫސުމަށް ސަމާލުވުމަށް އިލްތިމާސްކޮށް، ސަމާލުތައް ނެރެމުންނެވެ.

ކުރިއަށް އޮތް 3 ދުވަހު، ހާއްސަކޮށް އުތުރާއި މެދުރާއްޖެތެރެއަށް ގަދަވަޔާއެކު ކަނޑުތައް ވަރަށް ގަދަވާނެ ކަމަށް ލަފާކޮށްފައިވާއިރު، އަދި ބައެއް ރަށްތަކަށް ގުގުރުމާއި އެކު ބޯކޮށް ވާރޭވެހުން އެކަށީގެންވާކަމަށް މޫސުމާއި ގުޅޭ ގައުމީ އިދާރާއިން ވިދާޅުވެއެވެ.

މި ދުވަސްވަރު ކަނޑުދަތުރުކުރާ ފަރާތްތަކާއި ބުރިޖު ހައިވޭގައި ދަތުރުކުރައްވާއިރު، މޫސުމަށް ސަމާލުމަށް އެ އިދާރާއިން އިލްތިމާސްކުރެއެވެ.

Due to the onset of the Northeast Monsoon on 24 December 2023, strong winds and rough seas are expected mostly in the northern and central atolls,and heavy showers are expected over some parts of the country for the next 72 hours. Hence, all are advised to be very cautious! pic.twitter.com/TEXTvFdsdP

— Maldives Meteorology (@MetMaldives) December 27, 2023

ރީނދޫ އެލާޓް ނެރެފައިވާނަމަ އެ ސަރަހައްދެއްގައި 19 މީޓަރަށްވުރެ ކުދި އުޅަދު ދުއްވުން މަނާވާނެއެވެ.

ރީނދޫ ސަމާލަކީ، ދިމާވެދާނެ ކަންކަމަށް ތައްޔާރުވެދިނުމަށް އެންގުމުގެ ގޮތުން ނެރޭ އެލާޓެކެވެ. އަދި އެއީ މޫސުމާ ގުޅޭ ކާރިސާގެ ހާލަތުގައި ކަންކަން ނުރައްކާވެގެން ދިއުމުން ދެވަނަ އަށް އެންމެ މަތިން ނެރޭ އިންޒާރުގެ ސަމާލެވެ.