މޯލްޑިވްސް ޓޫރިޒަމް ކްލައިމެޓް އެކްޝަން ޕްލޭން އިފްތިތާޙްކޮށްފި

މޯލްޑިވްސް ޓޫރިޒަމް ކްލައިމެޓް އެކްޝަން ޕޭލޭން އިފްތިތާހުކޮށްފިއެވެ.

އެމެރިކާގެ އެޖެންސީ ފޯރ އިންޓަރނޭޝަނަލް ޑިވެލޮޕްމަންޓް، ޔޫއެސްއެއިޑްގެ އެހީތެރިކަމާއެކު ޓޫރިޒަމް މިނިސްޓްރީން އެކުލަވާލި މި ޕްލޭން އިފްތިތާޙްކޮށްފައިވަނީ މީރުމާ ހޮޓެލްގައި ބޭއްވި ރަސްމިއްޔާތެއްގައި ޓޫރިޒަމް މިނިސްޓަރ ޑރ. ޢަބްދުﷲ މަޢުޞޫމެވެ. މި ރަސްމިއްޔާތުގައި އެމެރިކާއިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ހޫގޯ ޔޮން އަދި ފަތުރުވެރިކަމުގެ ސިނާޢަތުގައި ހަރަކާތްތެރިވާ ސްޓޭކްހޯލްޑަރުން ބައިވެރިވެވަޑައިގަތެވެ.

މޯލްޑިވްސް ޓޫރިޒަމް ކްލައިމެޓް އެކްޝަން ޕްލޭނަކީ މުޖުތަމަޢުތައް މަރުކަޒުކޮށް، ދިރުންތައް އާލާކޮށް އަދި މޫސުމަށް އަންނަ ބަދަލުތައް ދެނެގަނެ ދުނިޔެ ކުރިއަށް ގެންދެވޭނެ ތަސައްވުރެއް ރާއްޖޭގެ ފަތުރުވެރިކަމުގެ ސިނާއަތަށް ގެނައުމަށް ކަނޑަަޅާފައިވާ ޕްލޭނެކެވެ.

މިހާރު ޓޫރިޒަމް އިންޑަސްޓްރީއަށް ކުރަމުންދާ އަސަރުތައް ދެނެގަނެ، އެޑެޕްޓިވް އެކްޝަންތައް ހެދުމަކީ މި އެކްޝަން ޕްލޭންގެ ބޭނުމެވެ. މޯލްޑިވްސް ޓޫރިޒަމް އެކްޝަން ޕްލޭންގައި 5 މަޤްސަދެއް ހިމެނެއެވެ. އެއީ މުޖުތަމައުގެ ތަޖުރިބާތަކާއި އިސްކަންދޭ ކަންކަން އެއްކޮށްލައި، އެތަނެއްގެ އެސެޓްސް ހިމާޔަތްކޮށް، ގުދުރަތީ ދިރުންތައް އާލާކުރުމާއި، ވިޔަފާރީގެ މޮޑެލްތައް ތަފާތުކޮށް ދުނިޔޭގެ އިސްނެގުމާ އެއްގޮތައް ކަންކަން ކުރިއަށް ގެންދިއުމެވެ.

@MoTmv Minister @Mausoom_Maus graced the launching of the first #Maldives Tourism Climate Action Plan today, developed with assistance from @USAIDMaldives. The event was attended by US Ambassador-Designate to Maldives, Hugo Yon and industry stakeholders. pic.twitter.com/qf8KGUJSbn

— Ministry of Tourism (@MoTmv) August 29, 2023

މި އެކްޝަން ޕްލޭންގައި ބަޔާންކޮށްފައިވާ އީޖާދީ އެޑެޕްޓޭޝަން ހައްލުތަކަށް ޕޮޓެންޝިއަލް 10 ބިޒްނަސް ކްލައިމެޓް އެކްޝަން އިންވަސްޓްމަންޓް ހުށައަޅައިދެނީ ހުރިހާ ހާލަތަކަށްވެސް ފެތޭ ވިޔަފާރިތަކާއި އަދި ހަމަހަމަ މުސްތަގުބަލަކާއި ދިމާއަށެވެ.

އެކްޝަން ޕްލޭންގައި އިތުރަށް ފާހަގަކޮށްފައިވާ ކަންކަމަށް ބަލާއިރު، ޕަބްލިކް އަދި ޕްރައިވެޓް ސެކްޓަރުތަކަށްވެސް ފައިނޭންސްގެ ފުރުޞަތުތައް ކަނޑައަޅާފައިވެއެވެ. އަދި ގުދުރަތީ އެންމެ ރަނގަޅު ހައްލުތަކާއި، ކާބަން އޮފްސެޓިން ފަދަ އީޖާދީ ފައިނޭންސިންގެ ފުރުޞަތުތަކަށް ބަލާފައިވެއެވެ. މިއީ ތަރައްޤީވަމުން އަންނަ ބައިނަލްއަޤްވާމީ ކްލައިމެޓް ފައިނޭންސް ލޭންޑްސްކޭޕާއި އެއްގޮތް ކަމެއްކަމަށް ޓޫރިޒަމް މިނިސްޓްރީން ވިދާޅުވިއެވެ.