ރޯގާ ފެތުރިގެން އުޅެނީ ކާނާއެއްގެ ސަބަބަކުން ނޫން: އެޗްޕީއޭަ

މާލޭގައި ކުއްލިއަކަށް ހޮޑުލުމާއި ބޭރަށް ހިންގުމުގެ ރޯގާއެއް ފެތުރިގެން އުޅެނީ ކާނާއެއްގެ ސަބަބުން ނޫންކަމަށް ހެލްތު ޕްރޮޓެކްޝަން އެޖެންސީ، އެޗްޕީއޭއިން ވިދާޅުވެއްޖެއެވެ.

އެޗްޕީއޭއިން މިކަން ހާމަކޮށްފައި މިވަނީ ހޮޑުލުމާއި ބޭރަށް ހިންގާތީ ގިނަ ބަޔަކު ޑޮކްޓަރަށް ދައްކަމުންދަނީ އެ މީހުންނަށް ކެވުނު އެއްޗެއްގެ ސަބަބުންކަމަށް ބުނެ ބައެއް ފަރާތްތަކުން ވާހަކަދައްކަމުންދާ ދަނޑިވަޅެއްގައެވެ.

އެޗްޕީއޭއިން ވިދާޅުވީ މި ރޯގާއަކީ ވައިރަސްއެއްގެ ސަަބަބުން ފެތުރެމުންދާ ރޯގާއެއްކަން މިހާތަނަށް ހެދި ޓެސްޓްތަކުން ދައްކާކަމަށެވެ. އަދި އެއީ ކާއެއްޗެއްގެ ސަބަބުން ފެތުރުނު ރޯގާއެއްކަން ހާމަވާ ހެއްކެއް ނެތްކަމަށްވެސް އެޗްޕީއޭއިން ވިދާޅުވެއެވެ.

?Acute gastroenteritis (AGE; diarrhea and vomiting) cases have been increasing in the LAST 2 WEEKS, which has also been seen during holidays in other years.

?However, since LAST NIGHT, hospitals in Malè area have seen an unusual INCREASE in AGE. (1/2)

--

— Health Protection Agency (@HPA_MV) July 28, 2023

އެޗްޕީއޭއިން ވިދާޅުވީ ހޮޑުލުމާއި ބޭރަށް ހިންގުމުން ފެތުރޭ ސަބަބުތައް ހޯދަން އިތުރު ދިރާސާތައްވެސް ކުރިއަށްގެންދާކަމަށެވެ.

އެޗްޕީއޭއިން ވިދާޅުވީ މިދިޔަ 2 ހަފްތާއެއްހާ ދުވަހު ހޮޑުލުމާއި ބޭރަށް ހިންގުން ވަރަށް ބޮޑަށް އިތުރުވެފައިވާކަމަށެވެ. އަދި މިއީ އެހެން އަހަރުތަކުގެވެސް ޗުއްޓީ ދުވަސްވަރު ދިމާވާކަމެއްކަމަށްވެސް އެޗްޕީއޭއިން ވިދާޅުވެއެވެ.

ހޮޑުލުމާއި ބޭރަށް ހިންގާތީ ގިނަ ބަޔަކު މާލެ ސަރަހައްދުން ޑޮކްޓަރަށް ދައްކާފައިވާއިރު، އޭގެތެރޭގައި ގިނައީ 12 އަަހަރުގެ ކުދިންކަމަށްވެސް އެޗްޕީއޭއިން ވިދާޅުވެއެވެ.