ޚަބަރު
ކޮޅުފުށީގައި ތުއްތު ކުއްޖަކު ގެނބިގެން ނިޔާވެއްޖެ
-
ނިޔާވެފައިވަނީ އެއް އަހަރުގެ ފިރިހެން ކުއްޖެ
-
ފެނުނީ ގެއްލިގެން ހޯދަމުން ދަނިކޮށް
-
ޞިއްޙީ މަރުކަޒަށް ގެންދިޔަ އިރުވެސް ނިޔާވެފައި
މ. ކޮޅުފުށި
މ ކޮޅުފުށީގައި އެއް އަހަރުގެ ފިރިހެން ކުއްޖަކު ގެނބިގެން ނިޔާވެއްޖެއެވެ. ފުލުހުން ވިދާޅުވީ، 1 އަހަރުގެ ކުއްޖަކުގެ ގެނބިގެން މިއަދު 11:38 ގައި ރިޕޯޓްކޮށްފައިވާކަމަށާއި، އެކުއްޖާ ސިއްޙީ މަރުކަޒަށް ގެންދިޔައިރުވެސް ނިޔާވެފައިވާކަމަށެވެ.
ފުލުހުން ވިދާޅުވީ، އެ ކުޑަކުއްޖާ ފެނުނީ ގެއްލިގެން ހޯދަމުން ދަނިކޮށްކަމަށެވެ. މަޢުލޫމާތު ލިބޭގޮތުގައި އެތުއްތު ކުއްޖާ ގެނބިފައި އޮއްވާ ފެނުނީ އެތުއްތު ކުއްޖާ ގޭގައި ފެންނަން ނެތުމުން ހޯދަން ނުކުމެ އުޅެނިކޮށް އެ ކުއްޖާގެ ކާފައަށެވެ.
މިހާދިސާއާ ގުޅިގެން ބަލަންޖެހޭ ކަންކަން ބަލަމުން އަންނަކަމަށް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ