ހުޅުމާލެ ދެވަނަ ފިޔަވައްސާއި ދިމާއިން ކަނޑުމަތިން މަރުވެފައި އޮތް މީހެއްގެ ހަށިގަނޑު ފެނިއްޖެ

ހުޅުމާލޭ ދެވަނަ ފިޔަފައްސާއި ދިމާއިން ކަނޑުމަތިން މަރުވެފައިވާ މީހެއްގެ ހަށިގަނޑު ފެނިއްޖެއެވެ.

ފުލުހުން ވިދާޅުވީ، އެ ހަށިގަނޑު ފެނުނީ އިއްޔެ ހަވީރު 5:56 ހާއިރުކަމަށެވެ. އަދި ހަށިގަނޑު ފެނުނުއިރު އޮތީ ކަޅުލުލައިގެ ޓީޝާޓަކާއި ކަޅުކުލައިގެ ސޯޓަކާއި، ކަޅުކުލައިގެ ބޫޓަކާއި އެކުކަމަށްވެސް ފުލުހުން ވިދާޅުވެއެވެ.

ބިދޭސީއެއް ކަމަށް ބެލެވޭ މީހާގެ ހަށިގަނޑު މިހާރު ވަނީ ގަލޮޅު މޯޗަރީގައިކަމަށްވެސް ފުލުހުން ވިދާޅުވެއެވެ.

މިހާތަނަށް ބެލިބެލުމުން އެއީ ކާކުކަން ދެނެގަނެވިފައި ނުވާތީ މި މީހާއާ ގުޅޭ އެއްވެސް މައުލޫމާތެއް ލިބިފައިވާނަމަ ސީރިއަސް އެންޑް އޯގަނައިޒްޑް ޑިޕާޓްމަންޓުގެ ނަމްބަރ 9911099 އަށް ގުޅުއްވައި މައުލޫމާތު ހިއްސާކުރެއްވުމަށް ފުލުހުން އެދިވަޑައިގަންނަވައެވެ.