ދުނިޔޭގެ ތިމާވެށީގެ ދުވަހުގެ ޙަރަކާތްތަކުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު އއ. އުކުޅަހަށް ވަޑައިގައިގެންފިއެވެ.
ދުނިޔޭގެ ތިމާވެށީގެ ދުވަސް ފާހަގަކުރެއްވުމަށް ޤައުމީ ފެންވަރުގައި ހިންގަވާ ޙަރަކާތްތައް މިއަހަރު ކުރިއަށް ގެންދަވަނީ އއ. އުކުޅަހުގައެވެ. މި ޙަރަކާތްތަކުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ އުކުޅަހަށް މިއަދު ހަވީރު ވަޑައިގެންނެވުމުން، އެރަށުން އެމަނިކުފާނަށް ވަނީ ހޫނު މަރުޙަބާއެއް ދަންނަވައިފައެވެ. އެގޮތުން އެމަނިކުފާނަށް މަރުޙަބާ ދަންނަވަން ގިނަ ޢަދަދެއްގެ ޢާއްމުން ރަށުގެ ބަނދަރު ސަރަޙައްދަށް ދިޔައެވެ.
އުކުޅަހުގައި ބާއްވާ "ބީޓް ޕްލާސްޓިކް ޕޮލިއުޝަން" ފެސްޓިވަލް ރައީސުލްޖުމްހޫރިއްޔާ ބައްލަވައިލައްވާނެއެވެ. އަދި ދުނިޔޭގެ ތިމާވެށީގެ ދުވަސް ފާހަގަކުރުމުގެ ގޮތުން މިރޭ އުކުޅަހުގައި ބާއްވަވާ ރަސްމީ ޖަލްސާގައި އެމަނިކުފާނު ބައިވެރިވެވަޑައިގަންނަވާނެއެވެ.
President @ibusolih arrived on AA. Ukulhas Island this afternoon to attend the national-level events commemorating World Environment Day 2023. The island community extended a warm welcome to him upon his arrival to the island. pic.twitter.com/cLmKHPFoce
— The President's Office (@presidencymv) June 5, 2023
މީގެ އިތުރުންވެސް އުކުޅަހުގެ ތަރައްޤީގެ މަޝްރޫޢުތަކާ ގުޅޭގޮތުން ރައްޔިތުންގެ ޚިޔާލުހޯއްދަވައި، ރައްޔިތުންގެ ޝަކުވާތަކާއި ކަންބޮޑުވުންތައް އަޑުއައްސެވުމުގެ ގޮތުން އެމަނިކުފާނު އއ. އުކުޅަހު ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީއާވެސް ބައްދަލުކުރެއްވުމަށް ވަނީ ހަމަޖެހިފައެވެ.