ބަންގްލަދޭޝްގެ ބޮޑުވަޒީރު ދެއްވި ރޭގަނޑުގެ ފަރިއްކޮޅެއްގައި ނައިބު ރައީސް ބައިވެރިވެވަޑައިގެންފި

ހަވަނަ އިންޑިއަން އޯޝަން ކޮންފަރެންސްއަށް ވަޑައިގެންނެވި، ބޭރުގެ ޢިއްޒަތްތެރިންގެ ޝަރަފްގައި، ބަންގްލަދޭޝްގެ ބޮޑުވަޒީރު ޝައިޚް ޙަސީނާ ދެއްވި ރޭގަނޑުގެ ފަރިކޮޅެއްގައި ރައީސުލްޖުމްހޫރިއްޔާގެ ނައިބު ފައިޞަލް ނަސީމް ބައިވެރިވެވަޑައިގެންފިއެވެ. މިފަރިކޮޅު އޮތީ މިރޭ ޑާކާ އިންޓަރކޮންޓިނެންޓަލް ހޮޓެލްގައެވެ.

ރައީސުލްޖުމްހޫރިއްޔާގެ ނައިބު ފައިޞަލް ނަސީމް ބަންގްލަދޭޝްއަށް މިހާރު ކުރައްވަމުންގެންދަވާ ދަތުރުފުޅަކީ، 6 ވަނަ އިންޑިއަން އޯޝަން ކޮފަރެންސްގައި ބައިވެރިވެވަޑައިގެންނެވުމަށް ބަންގްލަދޭޝަށް ކުރައްވާ ރަސްމީ ދަތުރުފުޅެކެވެ.

ހަވަނަ އިންޑިއަން އޯޝަން ކޮންފަރެންސްގެ ޝިޢާރަކީ، "ދެމެހެއްޓެނިވި ކުރިމަގަކަށް، ސުލްޙައާއި ފާގަތިކަން އަދި ބައިވެރިވުން"އެވެ.