15 އަހަރު ތެރޭގައި ފުރަތަމަ ފަހަރަށް އޮސްޓްރޭލިއާއަށް ބަޖެޓް ސާޕްލަސްއެއް ލިބިއްޖެއެވެ.
މިއީ މިދިޔަ މެއިމަހު ވެރިކަމަށް އައި ފަހުން ސެންޓަރ ލެފްޓް ލޭބަރ ސަރުކާރަށް ލިބުނު ސިޔާސީ ކާމިޔާބީއެކެވެ.
ރޮއިޓާސްގެ މާހިރު ބުނާގޮތުން ހިސާބުތަކަށް ބަލާއިރު ޖޫންމަހު ނިމޭ މާލީ އަހަރަށް ގާތްގަނޑަކަށް 4 ބިލިއަން އޮސްޓްރޭލިއާ ޑޮލަރު ނުވަތަ 2.71 ބިލިއަން އެމެރިކާ ޑޮލަރުގެ ސާޕްލަސްއެއް ލިބޭނެއެވެ. އަދި ކުރިއަށް ހުރި އަހަރުތަކުގައި ބަޖެޓް ޑެފިސިޓް ލިބޭނެ ވަރުވެސް ހަނިވާނެކަމަށް މާހިރުން ވަނީ ލަފާކޮށްފައެވެ.
އާންމުންގެ ދިރިއުޅުމުގެ ހަރަދުތަކަށް ލުއި ދިނުމުގެ ގޮތުން އޮސްޓްރޭލިއާގެ ބޮޑުވަޒީރު އެންތޮނީ އަލްބަނީޒްގެ ސަރުކާރުން ވަނީ 14.6 ބިލިއަން އޮސްޓްރޭލިއާ ޑޮލަރު ހޭދަކުރާނެކަމަށް އިއުލާންކޮށްފައެވެ. ތަކެތީގެ އަގު އުފުލުން ކޮންޓްރޯލް ކުރުމަށް މަރުކަޒީ ބޭންކުން ރޭޓް ބޮޑުކުރުމުން އިންފްލޭޝަން ގޯސް ނުވާނެކަމަށް ޗަލްމަރސް ވަނީ ވައުދުވެވަޑައިގެންފައެވެ. އަދި އުމުރުން ދުވަސްވީ މީހުން ބަލަހައްޓާ މީހުންގެ އުޖޫރަ ބޮޑުކުރުމަށް 11.3 ބިލިއަން އޯސްޓްރޭލިއަން ޑޮލަރު ކަނޑައަޅައި، އެކަނިވެރި ބެލެނިވެރިންނަށް މާލީ އެހީތެރިކަންވެސް ފޯރުކޮށްދޭނެކަމަށް ސަރުކާރުން ވަނީ ބުނެފައެވެ.