ބަޣްދާދުގައި ބޮމުގެ ހަމަލާދީފައިވާ ސަރަހައްދެއް- ފޮޓޯ: ޒިންހުއާ
އިރާގުގެ ވެރިރަށް ބަޣްދާދުގެ އިރުމަތީގައިވާ ސަދްރު ސިޓީގައި ބާރުގަދަ ދެ ބޮން ގޮއްވާލުމުގެ ސަބަބުން މަރުވި މީހުންގެ އަދަދު ހަތްދިހައަށް އަރައިފިއެވެ.
އިރާގުގެ އަމަނާބެހޭ ދާއިރާތައް ބުނާގޮތުން އާދީއްތަ ދުވަހުގެ ރޭ އިރާކޮޅު މިދެ ބޮން ގޮއްވާލާފައިވަނީ ޝިޔައީންގެ އަޣްލަބިއްޔަތު އޮންނަ ސަދްރު ސިޓީގައި މީހުން ތޮއްޖެހިފައިވާ ބާޒާރެއްގައިކަމަށެވެ. މި ހަމަލާގައި ޒަޚަމްވި މީހުންގެ އަދަދުވެސް ސަތޭކައަށްވުރެ މައްޗަށް ގޮސްފައިވާކަމަށް ޚަބަރު ލިބެއެވެ.
މި ދެ ބޮން ގޮއްވާލުމުގެ ޒިންމާ ހައްދު ފަހަނަޅާފައިވާ އައިއެސް ޖަމާއަތުން އުފުލާފައިވާއިރު މިއީ މިފަހަކަށް އައިސް ސަދްރު ސިޓީއަށް ދިން އެންމެ ލޭ އޮހޮރުވުން ބޮޑު ޓެރަރިސްޓް ހަމަލާތައް ކަމަށް އިރާގުގެ މަސްއޫލުވެރިން ވަނީ ސިފަކުރައްވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ