މިދިޔަމަހުގެ ދެވަނަ ދުވަހު ވ. އަތޮޅު ކަނޑުމަތިން ފެނުނު ހަށިގަނޑު ވަޅުލައިފިއެވެ.
ފުލުހުން ވިދާޅުވީ އެ ހަށިގަނޑު ވަޅުލީ ފުލުހުންގެ ތަހުގީގަށް ބޭނުންވާ ސާމްޕަލް ނެގުމަށް ފަހުކަމަށެވެ.
ފުލުހުން ވިދާޅުވީ މިމައްސަލަ ތަހުގީގުކުރަމުން އަންނަ ކަމަށެވެ.
ވ. އަތޮޅު ކަނޑުން އިންސާނެއްގެ ހަށިގަނޑު ފެނުނުކަން ފުލުހުން ރިޕޯޓްކޮށްފައިވަނީ ވިލިމާލެއިން ދެމީހުންނާ އެކު ފުރި ތެޔޮ ބޯޓަކުން ދެމީހުން ގެއްލިގެން އެކަން އިއުލާނުކުރިތާ ދެ ދުވަސް ފަހުންނެވެ. ތެޔޮ ބޯޓުގައި ތިބީ ގދ. ތިނަދޫ / މަނާރު، މުޙައްމަދު ނިޒާމް، 45އ، އާއި މޮހައްމަދު ލިޓަން، 35އ އެވެ.
އެ ތެޔޮބޯޓުން ދަތުރުކުރި ނިޒާމް ނަމަކަށް ކިޔާ ދިވެހި މީހާ ވަނީ އޭގެ ދުވަސްކޮޅެއް ފަހުން މާލެއިން ފެނިގެން ހައްޔަރުކޮށްފައެވެ. އަދި ނިޒާމް ހައްޔަރު ކުރީ މަރުގެ މައްސަލައެއްގައިކަމަށްވެސް ބުނެފައިވެއެވެ.