ރާއްޖެ ވިއަވަތިވެ، ދިރިއުޅުން ޖަޒީރާވެ، ބާއްޖަވެރި ޙަޔާތެއް ކޮންމެ ދިވެއްސަކަށް ޙައްޤު: ރައީސް
ރާއްޖެ ވިއަވަތިވެ، ދިރިއުޅުން ޖަޒީރާވެ، އުފާފާގަތިކަމާއި ބާއްޖަވެރި ޙަޔާތެއްގެ ނަޞީބު، ކޮންމެ ރަށެއްގެ ކޮންމެ ދިވެއްސަކަށްމެ ޙައްޤުކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ.
ރައީސުލްޖުމްހޫރިއްޔާ މިހެން ވިދާޅުވީ ވިއަވަތި ރާއްޖެ ކޮންފަރެންސް ފެށުމުގެ ގޮތުން ބޭއްވި ރަސްމިއްޔާތު ޝަރަފުވެރިކޮށްދެއްވައި، ވާހަކަފުޅުދައްކަވަމުންނެވެ.
ވިއަވަތި ރާއްޖެ ކޮންފަރެންސް ފެށުމުގެ ގޮތުން ބޭއްވި ރަސްމިއްޔާތުގައި ވާހަކަފުޅުދައްކަވަމުން ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވީ ލާމަރުކަޒީ ނިޒާމަކީ އަތްނުލެވޭ، ހަޤީގަތެއް ނެތް، ބިލާހެއް ނޫންކަމުގެ ޔަޤީންކަން ހުރިހާ ރައްޔިތުންނަށް ލިބިފައިވާކަމަށެވެ.
"މިކޮންފަރެންސް މިބޭއްވެނީ، ރާއްޖޭގެ އެންމެ ދެކުނަށް އަމާޒު ކުރެވިގެން ، ހައްދުންމަތީ ގަމުގަ (.) އުތުރުން ދެކުނަށް، މުޅި ރާއްޖެއޮތްދިގަށް ބެލިޔަސް، ވަރަށް ބޮޑު ތަފާތެއް މިހާރު ފެނޭ. ދިމާ ދޮރުމަތިން، ތިމާ ގޭހުރި މަގުން، އަމިއްލަ ރަށުން، އަތޮޅުން، އަދި މުޅި ރާއްޖެއިންވެސް މިހާރު މިދެންނެވި ބަދަލު ފެންނާނެ، އަތްލެވޭނެ، ބެލޭނެ" ރައީސް ވިދާޅުވިއެވެ.
The third edition of President @ibusolih's #ViavathiRaajje conference is now underway. It would feature four sessions themed around gender equality, land-use planning, fiscal autonomy of local councils and building resilient communities. pic.twitter.com/lzmTZxXMy9
— The President's Office (@presidencymv) September 11, 2022
ރައީސް ވިދާޅުވީ ލާމަރުކަޒީ ނިޒާމަކީ މިހާތަނަށް މުޅި ރާއްޖެއަށް ގެނެވޭ އެންމެ ބޮޑު އިދާރީ ބަދަލުކަމަށެެވެ. އަދި ކުރިން ރަށްރަށުގައި މަޝްރުޢޫތައް ހިންގީ މަރުކަޒީކޮށްކަން ރައީސް ފާހަގަކުރެއްވިއެވެ. އެހެންނަމަވެސް، މިސަރުކާރުން ހިންގާ ކިތަންމެ ބޮޑު މަޝްރޫޢެއްކަމުގައި ވިޔަސްއެއީ އެރަށަކަށްޓަކާ ކުރާކަމެއްކަމަށް ރައީސް ވިދާޅުވިއެވެ.
"ކަރަންޓެއް، މަގެއް، ބަނދަރެއް، ފެނެއް، ނަރުދަމާއެއް، އެއަރޕޯޓެއް ކަމުގާވިޔަސް، މީގާ ވަކިތަފާތެއް ނެތް. މިހިންގާ ކޮންމެ ސިޔާސަތަކީ ރައްޔިތުން ވީއްލި، އުދުއްސައިގަނެވޭނެ ލާމަރުކަޒީ ޖަޒީރާ ރާއްޖޭގެ ތަރައްޤީ. ބޭނުމަކީ ކޮންމެ ރައްޔިތަކަށްވެސް އެރައްޔިތަކު އިޚްތިޔާރު ކުރާތަނެއްގާ އުފާފާގަތި ކަމުގާ ޢާއިލާ ބިނާކޮށް ، ދިރިއުޅެވޭނެ މަގުފަހިކުރުން" ރައީސް ވިދާޅުވިއެވެ.
ރައީސް ވިދާޅުވީ ލޯކަލް ކައުންސިލްތަކުން ރަށްރަށުގެ ތަރައްޤީއަށް މަސައްކަތްކުރާއިރު އެމަނިކުފާނު އެމަގާމުގައި ދެމިހުންނާނީވެސް، އެމަސައްކަތް މުޅިން ނިންމާ، ވަށާޖެހޭ ޖަޒީރާ ދިރިއުޅުމެއް ހުރިހާ ދިވެހި ރައްޔިތުންނަށް ލިބިދިނުމަށްކަމަށާއި އެނޫން އެއްވެސް ބޭނުމެއް، އަމާޒެއް އަދި ތަޞައްވުރެއް ނެތްކަމަށްވެސް ރައީސް ވިދާޅުވިއެވެ. އަދި ރާއްޖެ ވިއަވަތިވެ، ދިރިއުޅުން ޖަޒީރާވެ، އުފާފާގަތިކަމާއި ބާއްޖަވެރި ޙަޔާތެއްގެ ނަޞީބު، ކޮންމެ ރަށެއްގެ ކޮންމެ ދިވެއްސަކަށްމެ ޙައްޤުކަމަށް ރައީސް ވިދާޅުވިއެވެ.
ވިއަވަތި ރާއްޖެ ކޮންފަރެންސަކީ، ސީދާ ރައީސުލްޖުމްހޫރިއްޔާގެ އިސްނެންގެވުމުގެ މަތިން ދިވެހިރާއްޖޭގެ އިދާރީ ދާއިރާތައް ލާމަރުކަޒުކޮށް ހިންގުން ހަރުދަނާކޮށް، ފާއިތުވި އަހަރުގެ ތަޖުރިބާގެ އަލީގައި، މި ނިޒާމް ހަރުދަނާކުރުމަށް، ސަރުކާރުގެ ވަޒީރުންނާއި، ރައީސުލްޖުމްހޫރިއްޔާގެ އޮފީހުގެ އިސްވެރިންނާއި، ދެކުނުގެ އަތޮޅުތަކުގެ ރައްޔިތުންގެ މަޖިލީހުގެ މެމްބަރުންގެ އިތުރުން، ސަރުކާރުގެ ކުންފުނިތަކުގެ އިސްވެރިންނާއި، ކަމާއިގުޅޭ އެކި ދާއިރާތަކުގެ ފަންނީ ބޭފުޅުން ހިމެނޭގޮތުން ބާއްވަމުން އަންނަ ކޮންފަރެންސެކެވެ.
މި ފަހަރުގެ ކޮންފަރެންސްގައި، ސަރުކާރުގެ އިސްބޭފުޅުންނާއި، ސަރުކާރުގެ ކުންފުނިތަކާއި އަދި، ކައުންސިލްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީތައް ހިމެނޭހެން ޖުމްލަ 270 ބޭފުޅުން ބައިވެރިވެވަޑައިގަންނަވާނެއެވެ. އޭގެ ތެރޭގައި ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ 107 ބޭފުޅުން ހިމެނެއެވެ.
ދެދުވަހުގެ މުއްދަތަށް ކުރިޔަށް ގެންދާ މި ކޮންފަރެންސްގައި، 4 ސެޝަނެއް ކުރިޔަށް ގެންދާއިރު ކޮންމެ ސެޝަނެއްގައިވެސް ޕްރެޒެންޓޭޝަންތައް ހުށައަޅައި މަޝްވަރާތައް ބާއްވަވާނެއެވެ.