އިނގިރޭސި ރާނީ އެލިޒަބަތު ދޭއް 1972 ގައި ރާއްޖެ ކުރެއްވި ޒިޔާރަތުގެ ތެރެއިން
އިނގިރޭސިވިލާތުގެ ރާނީ އަދި ހެޑް އޮފް ދަ ކޮމަންވެލްތު ކްއީން އެލިޒަބަތު 2ވަނަ، އަވަހާރަވުމާ ގުޅިގެން 3 ދުވަސް ވަންދެން ދިވެހި ދިދަ ބައިދަނޑިއަށް ތިރިކުރެއްވުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ނިންމަވައިފިއެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ އިނގިރޭސިވިލާތުގެ ރާނީ އަވަހާރަ ވުމުގެ ހިތާމާގައި މިމަހުގެ 9ވަނަ ދުވަހުން ފެށިގެން 11ވަނަ ދުވަހުގެ ނިޔަލަށް ދިވެހި ޤައުމީ ދިދަ ހުންނާނީ ބައިދަނޑިއަށް ތިރިކޮށްފައިކަމަށެވެ.
އިނގިރޭސިވިލާތުގެ ރާނީ ކްއީން އެލިޒަބަތަކީ، ދިވެހި ދައުލަތުގެ އެންމެ މަތިވެރި ޢިއްޒަތް، ނިޝާން ޣާޒީގެ ޢިއްޒަތުގެ ވެރިކަމުގެ ލަޤަބް އަރުވައިފައިވާ ބޭފުޅެކެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ