އެމްޑީޕީން ރޭ ބޭއްވި ޖަލްސާގެ ތެރެއިން- ފޮޓޯ: އެމްޑީޕީ
އިދިކޮޅު އެންމެ ބޮޑު ޕާޓީ ޖަލްސާއެއް ރޭ އާޓިފިޝަލް ބީޗް ސަރަޙައްދުގައި ބާއްވައިފިއެވެ.މި ޖަލްސާގައި އެމްޑީޕީއާއި، އަދާލަތު ޕާޓީގެ އިސް ގިނަ ފަރާތްތަކެއް ވަނީ ވާހަކަ ދައްކަވަފައެވެ. މިޖަލްސާގައި އިނގިރޭސިވިލާތަށް ބޭސްފަރުވާއަށް މިހާރު ވަޑައިގެން ހުންނެވި ކުރީގެ ރައީސް މުޙައްމަދު ނަޝީދުވެސް ވީޑިއޯ މެދުވެރިކޮށް ވާހަކަފުޅު ދައްކަވާފައިވާއިރު، އެމްޑީޕީއާ ގުޅިވަޑައިގެން މަސައްކަތް ކުރައްވާނެކަން މިހާރު އިޢުލާން ކުރައްވާފައިވާ ކުރީގެ ނާއިބު ރައީސް ޑރ. މުޙައްމަދު ޖަމީލް އަޙްމަދުވެސް ވަނީ ވީޑިއޯ މެދުވެރިކޮށް ވާހަކަ ދައްކަވާފައެވެ.މި ދެބޭފުޅުންވެސް ވަނީ ސަރުކާރަށް ވަރަށް ބޮޑަށް ފާޑު ވިދާޅުވެފައެވެ. އަދި އެބޭފުޅުން ވަނީ މިހާރުގެ ސަރުކާރަށް ތަފާތު ގިނަ ތުހުމަތުތަކެއްވެސް ކުރައްވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ