ކުޅުދުއްފުށީ ދެކުނުފަރާތު "ބޯޒިޔާރަތް" ސަރަހައްދުގައި އާޓިފިޝަލް ބީޗް ހަދައި އެސަރަހައްދުގެ ގޮނޑުދޮށް ހިމާޔަތްކުރުމަށް ހިންގާ މަޝްރޫއުގެ އަމަލީ މަސައްކަތް ފަށައިފިއެވެ.ކެޕިޓަލް އިންވެސްޓްމެންޓް އެންޑް ފައިނޭންސް ޕްރައިވެޓް ލިމިޓެޑާ ހަވާލުކޮށްގެން ކުރިއަށްގެންދާ މިމަޝްރޫޢަކީ، އެ ސަރަހައްދުގައި ހަދަން ހަމަޖެހިފައިވާ އާޓިފިޝަލް ބީޗާއި އެސަހަރައްދު ގިރަމުން ދާތީ އެކަން ހައްލުކުރުމަށް ސަރުކާރުން ހިންގަވާ މަޝްރޫއެކެވެ.މި އާޓިފިޝަލް ބީޗް ނިމިގެންދާއިރު، މޫދަށް އެރޭ ސަރަހައްދުގެ ގޮތުގައި 60 ފޫޓާއި 100 ފޫޓްގެ ސަހަރައްދެއް ހެދިގެން ދާނެކަމަށާއި، ބީޗުގެ ގާތައް ނަގައި އެތަނަށް ވެލި އަޅައި ރީތި ކުރެވި، އަދި އެސަރަހައްދުގެ ގިރުން ހުއްޓުމުގެ ގޮތުން ބޭރު ތޮށިން އެތެރެއަށް ވާގޮތަށް ވޯޓާ ބުރޭކަކާއެކު 710 މީޓަރުގެ ރިވެޓްމެންޓެއް ޖެހުމަށް ހަމަޖެހިފައިވާ ކަމަށް ކުޅުދުއްފުށީ ކައުންސިލުން މަޢުލޫމާތުދެއެވެ.މި ޕްރޮޖެކްޓްގެ ދަށުން ކުޅުދުއްފުށީ މަސްމާރުކޭޓް ސަރަހައްދުގެ އުތުރު ސަރަހައްދުވެސް ހެދުމަށް ހަމަޖެހިފައިވާ ކަމަށް ކުޅުދުއްފުށީ ކައުންސިލުން މައުލޫމާތުދެއެވެ.1 އަހަރު ދުވަހުގެ ތެރޭގައި ނިންމާގޮތަށް ކެޕިޓަލް އިންވެސްޓްމެންޓް އެންޑް ފައިނޭންސް ޕްރައިވެޓް ލިމިޓެޑާ ހަވާލުކޮށްފައިވާ މިމަޝްރޫއުގެ ޢަމަލީ މަސައްކަތް މިހާރު ފެށިފައިވާއިރު މަސައްކަތް ބޭނުންވާ ބައެއް ސާމާނު ވަނީ ގެނެސްފައެވެ. އަދި ބޭނުންވާ އިތުރު ސާމާނުތައް މިހާރު ދަނީ ގެންނަމުންނެވެ.