ތިނަދޫ އިންޖީނުގެ ރޯވެ އަނދައި ހުލިވުމާއިގުޅިގެން އެރަށަށް ވަގުތީ ގޮތުން
ކަރަންޓް ދިނުމަށް މާލެއިން ގެންދާ 2 ޖަނަރޭޓަރު މިއަދު ހެދުނު އެރަށް
ގެންގޮސްފިއެވެ.
މާލެ
އިން ތިނަދޫއަށް ގެންގޮސްފައިވަނީ 1 މެގަވޮޓްގެ 2 ޖަނަރޭޓަރުކަމަށް ފެނަކަ ކޯޕަރޭޝަނުން ވިދާޅުވެއެވެ. އިންޖީނު ހިފައިގެންދިޔަ ކޮޅުވެއްޓި
ތިނަދޫއަށް ގޮސްފައިވަނީ މިއަދު ހެދުނު 7:15 ކަންހާއިރުއެވެ. ކޮޅުވެއްޓި
އައި ވަގުތަކީ ދިޔަވަރު ހިކި ވަގުތެއްކަމުން އިންޖީނުގެ ބޭލުމުގެ މަސައްކަތް އަދި ނުފެށޭކެމަށާއި އިންޖީނު ބޭލުމުގެ މަސައްކަތް ފެށޭނީ މެންދުރުފަހުގެ ވަގުތެއްގައި ކަމަށް ތިނަދޫގައި ހުރި ޕީއެސްއެމްގެ ރިޕޯޓަރ މައުލޫމާތުދެއެވެ. އެހެންމަވެސް
އިންޖީނާއި ގުޅޭ އެހެން ސާމާނުތައް މިހާރު ތިނަދޫއަށް ބާލަމުންދާކަމަށް ޚަބަރު ލިބެއެވެ.
ތިނަދޫ ފެނަކަ ބްރާންޗްގެ ޓެކްނިކަލް މެނޭޖަރ މުސްތަފާ ހުސެއިން ވިދާޅުވީ އިންޖީނު ބާލާގޮތަށް ގެންދާނީ
އިންޖީނުގޭގެ ގޯތި ތެރެއަށް ކަމަށާއި އެތަނުގައި ބަހައްޓައިގެން ކަރަންޓް
ގްރިޑްއާއި ގުޅުމުގެ މަސައްކަތް ފަށާނެކަމަށްވެސް އެނާ ވިދާޅުވިއެވެ. އަދި ކަރަންޓް
ދޫކުރުމަށް ވާންޖެހޭ ހުރިހާ ތައްޔާރިތައް މިހާރު ވެފައިވާކަމަށްވެސް މުސްތަފާ ވިދާޅުވެއެވެ. ތިނަދޫއަށް ގެންދިޔަ 2 ޖަނަރޭޓަރަކީ ސްޓެލްކޯއާއި އެމް.ޑަބްލިއު.އެސް.ސީން. ދިން 2 ޖަނަރޭޓަރެވެ.
މިދިޔަ އަންގަރާ ވިލޭރޭ ތިނަދޫ އިންޖީނުގޭގައި ކަރަންޓް ރޯވެ މުޅި ތަން އެއްކޮށް ވަނީ
އަނދާހުލިވެފައެވެ.