ކައުންސިލްތަކަށް ޢަމާޒުކޮށް ކުރިއަށްގެންދާ "ވިއަވަތި ރާއްޖެ" ކޮންފަރެސްންސްގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިހު އުކުޅަކަށް ވަޑައިގެންފިއެވެ.
ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިހު އުކުޅަހަށް ވަޑައިގަތުމުން އެމަނިކުފާނަށް ވަނީ ހޫނު މަރުޚަބާއެއް ދަންނަވާފައެވެ.
ރައީސް ސާލިހުއަށް މަރުހަބާ ދެންނެވުމަށް ރަށުގެ ރައްޔިތުންނާއި، ވިޔަވަތި ރާއްޖެ ކޮންފަރެންސްގެ ބައިވެރިންވަނީ ބަނދަރު ސަރަޙައްދަށް ނިކުމެފައެވެ. އަދި އެއަށްފަހު މިވަގުތު އެރަށުގައި ކުރިއަށްދާ ސްޕޯޓްސް ފެސްޓިވަލްގައިވެސް އެމަނިކުފާނު ބައިވެރިވެ ވަޑައިގަންނަވައެވެ.
ދަތުރުގެ ރަސްމީ ހަރަކާތްތައް ފެށޭނީ މާދަމާއެވެ. "ވިއަވަރި ރާއްޖެ" ކޮންފަރެންސް ކުރިއަށްދާނީ ހޮނިހިރު އަދި އާދިއްތަ ދުވަހުއެވެ. ކޮންފަރެންސް ފެށުމުގެ ރަސްމިއްޔާތު އޮންނާނީ މަދަމާ ހެނދުނު 9:00 ގައެވެ.
— The President's Office (@presidencymv) May 27, 2022
ރާއްޖެ 3 ސަރަޙައްދަށް ބަހާލައިގެން ކުރިއަށްގެންދާ ކޮންފަރެންސްގެ ފުރަތަމަ ބައި ކުރިއަށްގެންދަނީ މެދުރާޖެތެރޭގެ އަތޮޅުތަކަށް ޚާއްސަކޮށްގެންގެނެވެ. އެގޮތުން ސިޓީ ކައުންސިލްތަކާއި، އަތޮޅު ކައުންސިލް އަދި ރަށު ކައުންސިލްތަކާއި އަންހެނުންގެ ތަރަައްޤީއަށް މަސައްކަތް ކުރާ ކޮމިޓީތަވެސް ކޮންފަރެންސްގައި ބައިވެރިވއެވެ.
މި ކޮންފަރެންސްގެ މައިގަނޑު އެއް މަޤްޞަދަކީ ރާއްޖޭގެ ލާމަރުކަޒީ ނިޒާމު ފުރިހަމަކުރައްވައި ކައުންސިލުތައް ބާރުވެރިކުރުމަށް ރައީސުލްޖުމްހޫރިއްޔާ ފަށްޓަވާފައިވާ މަސައްކަތް އިތުރަށް ހަރުދަނާކުރެއްވުމެވެ. ދެ ދުވަހުގެ މުއްދަތައް ކުރިޔަށްދާނެ މި ކޮންފަރެންސްގައި ޖުމްލަ 4 ސެޝަން ބާއްވާނެއެވެ. ކޮންފަރެންސްގެ ސެޝަންތަކުގައި ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙް ބައިވެރިވެވަޑައިގަންނަވާނެއެވެ.
މި ކޮންފަރެންސް ރާއްޖޭގެ އުތުރާއި ދެކުނުގައިވެސް ކުރިއަށްގެންދިއުމަށް ވަނީ ރާވާފައެވެ.