ގއ.ވިލިނގިލި ފަޅަށް ވަންނަން އުޅުނު ލޯންޗެއް އެރަށު ނެރު ފައިކަށީގައި ޖެހި ހިނގި އެކްސިޑެންޓެއްގައި ދެ މީހަކު މަރުވެއްޖެއެވެ.
ފުލުހުން ވިދާޅުވީ އެ ލޯންޗުން ދަތުރުކުރި 2 މީހަކު މިޙާދިސާގައި ކަނަޑަށް ވެއްޓުނުކަމުގެ މަޢުލޫމާތު ލިބިފައިވާކަމަށެވެ. އަދި އެދެމީހުން ކަނޑުން ނަގައި ވިލިނގިލީ ހޮސްޕިޓަލަށް ގެންދިޔަކަމަށާއި، ގެންދިޔައިރުވެސް އެމީހުން ވަނީ މަރުވެފައިކަމަށް ހޮސްޕިޓަލާ ޙަވާލާދީ ފުލުހުން ވިދާޅުވެއެވެ.
މި ލޯންޗުން ދަތުރުކުރި އިތުރު 3 މީހަކަށް ވިލިނގިލީ ހޮސްޕިޓަލުގައި ފަރުވާދެމުންދާކަމަށްވެސް އެ ހޮސްޕިޓަލާ ހަވާލާދީ ފުލުހުން ވިދާޅުވެއެވެ. މިޙާދިސާ ހިނގަން މެދުވެރިގޮތް ބަލަމުންދާކަމަށްވެސް
ޕީއެސްއެމް ނިއުސްއަށް މަޢުލޫމާތުދެއްވަމުން ވިލިނގިލީ ކައުންސިލް ރައީސް ވިދާޅުވީ މިހާދިސާގައި ސީރިއަސް އަނިޔާތަކެއް ވެގެން 5 މީހަކަށް ހޮސްޕިޓަލުގައި ފަރުވާ ދެމުންދާކަމަށެވެ. މީގެ ތެރެއިން ބައެއް މީހުންގެ ހާލަތު ވަރަށް ސީރިއަސް ކަމަށް ކައުންސިލްގެ ރައީސް ވިދާޅުވިއެވެ.