ހދ.ހަނިމާދޫގައި އަލަށް އިމާރާތްކުރާ މިސްކިތުގެ ޢަމަލީ މަސައްކަތް ފަށައިފިއެވެ.
މި މަސައްކަތް ފަށްޓަވައިދެއްވައި މިސްކިތުގެ ބިންގާ އަޅުއްވައިދެއްވީ މިނިސްޓަރ އޮފް އިސްލާމިކް އެފެއާޒް ޑރ.އަޙްމަދު ޒާހިރު ޢަލީއާއި ހަނިމާދޫ ކައުންސިލްގެ ރައީސް އަބްދުއްސައްތާރު ހަސަންއެވެ. މިސްކިތުގެ ޢަމަލީ މަސައްކަތް ފެށުން ފާހަގަކުރުމަށް ހަނިމާދޫގައިވަނީ ޚާއްސަ ރަސްމިއްޔާތެއް ބާއްވާފައެވެ. ހަނިމާދޫގައި އަލަށް އިމާރާތްކުރާ މިސްކިތަކީ 500 މީހުންގެ ޖާގައިގެ މިސްކިތެކެވެ.
މިސްކިތް އިމާރާތްކުރުުމުގެ މަސައްކަތް ކޮންޓްރެކްޓަރާއި ހަވާލުކޮށްފައިވަނީ މިދިޔަ އަހަރުގެ ފެބްރުއަރީ މަހުއެވެ. އެއްބަސްވެފައިވަނީ މިސްކިތުގެ މަސައްކަތް 1 އަހަރު ދުވަހުގެ މުއްދަތުން ނިންމުމަށެވެ.
އިސްލާމިކް މިނިސްޓްރީން ވިދާޅުވީ މި މަޝްރޫޢުގެ މަސައްކަތަށް 11.9 މިލިއަން ރުފިޔާ ހޭދަވާނެކަމަށެވެ.