ވިއްސާރަ ދުވަސްވަރު ހިޔާ ޓަވަރުތަކަށް ފެން ވަންނަ މައްސަލަ ޙައްލުކުރުމުގެ މަސައްކަތް އެޗްޑީސީން ފަށައިފިއެވެ.
ހިޔާ ފްލެޓްތަކުގައި އާއްމުންނަށް ދަތިވާގޮތަށް ހުރި ކަންކަން ދެނެގަނެ އެ ކަންކަން ޙައްލުކުރުމުގެ މަސައްކަތް އެޗްޑީސީންދަނީ ކުރަމުންނެވެ.
މިދިޔަ އަހަރު ފްލެޓްތަކަށް މީހުން ދިރިއުޅުން ބަދަލުވާން ފެށުމާއެކު ކުރިމަތިވި އެންމެ ބޮޑު އެއް މައްސަލައަކަށްވީ ވިއްސާރަވެ ފްލެޓްތަކާއި ފްލެޓްތަކުގައި އާއްމުން ހިނގަން އޮންނަ ކޮރިޑޯއާއި ކޮމަން އޭރިއާތަކުގައި ފެން ބޮޑުވާން ފެށި މައްސަލައެވެ. އޭރު ފްލެޓްތަކަށް ބަދަލުވުމަށް ފިނިޝިންގ ގިނަ މަސައްކަތްތަކެއް ކުރަމުންދިއުމުން، ވިއްސާރައިގެ ސަބަބުން ބައެއް މުދަލަށްވެސް ގެއްލުންވެ މަސައްކަތަށް ހުރަސް އެޅުނުކަން ބައެއް ފަރާތްތަކުން ފާހަގަކުރިއެވެ. މީގެއިތުރުން ފެންބޮޑުވެ ފްލެޓްތަކުގެ ކޮމަން އޭރިއާތައް ބޭނުންކުރުމަށްވެސް ދަތިތަކާއި ކުރިމަތިވިއެވެ.
މިއަދުގެ ގަދަ ވަޔާ ވާރެއާއެކު އެޗް9 ޓަވަރުގެ ހުޅަނގު ދެކުނު ފަރާތް pic.twitter.com/fkthierB8G
— Commoners Friendship Association ( ކޮތަރު ކޮށި ) (@AEG_Mv) September 15, 2021
ހައުސިންގ ޑިވެލޮޕްމަންޓް ކޯޕަރޭޝަން އެޗްޑީސީން މިހާރު ވަނީ ފެން ބޮޑުވާ މައްސަލަ ޙައްލުކުރުމަށް ހިޔާގެ ކޮރިޑޯއަށް ފެން ވަންނަ ތަންތަނުގައި ވެދަރ ގްރިލްތަކެއް ހަރުކުރުމަށް ނިންމާ އެ މަސައްކަތްތައް ފަށާފައެވެ. އެގޮތުން ޓަވަރުތަކަށް ފަސޭހައިން ފެން ވަންނަ ގޮތަށް ހުރި ތަންތަން ދެނެގަނެ، ފެން ނުވަންނާނެހެން ވެދަރ ގްރިލް ހަރުކުރުމުގެ ޑިޒައިންތައް ނިމި، ގްރިލްތައް ތައްޔާރުކުރުމުގެ މަސައްކަތް މިހާރު ކުރަމުންދާކަމަށް އެޗްޑީސީން ބުނެއެވެ. އަދި މިއަހަރުގެ ވިއްސާރަ މޫސުމުގެކުރިން މަސައްކަތް ނިންމަން އެޗްޑީސީން ދަނީ މަސައްކަތްކުރަމުންނެވެ.
ހިޔާ ފުލެޓުގައި ދިމާވެފައިވާ މައްސަލަތައް ބެލުމަށްފަހު މި ކޯޕަރޭޝަނުން މި ފުލެޓުތަކަށް ގެނެވިފައިވާ ބަދަލުތަކާއި ކުރިއަށް ރޭވިފައިވާ ކަންތަތައް!#މަގޭހިޔާ https://t.co/FJ06VEbvcL
— HDC (@hdcmaldives) April 7, 2022
މިމަސައްކަތުގެ އިތުރުން، ފްލެޓްތަކުގެ ގްރައުންޑް ފްލޯގެ ލިފްޓް ލޮބީތައް ކައިރިއަށް ތޮއްޖެހުން ކުޑަކުރުމަށްޓަކައި ލިފްޓްތަކުގެ ކައިރީގައި ޖާގަ ބޮޑުކުރުމުގެ މަސައްކަތްވެސް ދަނީ ކުރަމުންނެވެ. މި މަސައްކަތުގައި ފްލެޓް ލޮބީއަށް ވަނުމަށާއި ނިކުތުމަށް ޚާއްސަ ދޮރުތައްވެސް ދަނީ ބަހައްޓަމުންނެވެ. މި މަސައްކަތުގެ ދަށުން އެޗް.16ގެ ލިފްޓް އޭރިއާގެ މަސައްކަތް މިހާރު ވަނީ ނިންމާލާފައެވެ. މީގެ އިތުރުން ހިޔާ ޓަވަރުތަކަށް ވަންނަ ސިޑިތަކުގައި ރެއިލިން ހަރުކުރުންވެސް އެޗްޑީސީން ކުރިއަށް ގެންގޮސްފައިވެއެވެ.