އިނގިރޭސިވިލާތުގެ ވަލީއަހުދު ޗާލްސްގެ އަނބިކަނބަލުން ކެމިލާއަށްވެސް ކޯވިޑް-19 ޖެހިއްޖެއެވެ.
އިނގިރޭސިވިލާތުގެ ވަލީއަހުދުގެ ރަސްމީ ގެކޮޅުން ނެރުނު ބަޔާނެއްގައި ބުނެފައިވަނީ ޢުމުރުފުޅުން 74 އަހަރުގެ ކެމިލާއަށް ކޯވިޑް-19 ޖެހިފައިވާކަމަށާއި އޭނާ ހުންނެވި އަމިއްލައަށް އެކަހެރިވެވަޑައިގެންކަމަށެވެ. އަދި އިނގިރޭސިވިލާތުގެ ސަރުކާރުން އަލަން އަނގާފައިވާ ފިޔަވަޅުތަކަށް ޗާލްސާއި ކެމިލާ ޢަމަލުކުރައްވާނެކަމަށްވެސް އެ ބަޔާނުގައި ބުނެފައިވެއެވެ.
މީގެ ކުރިން ޢުމުރުފުޅުން 73 އަހަރުގެ ޗާލަސަށް ދެވަނަ ފަހަރަށް ކޯވިޑް-19 ޖެހިފައިވާކަމަށްވެސް ވަލީއަހުދުގެ ރަސްމީ ގެކޮޅުން ބުނެފައިވެއެވެ. ޗާލްސަށް އެންމެ ފުރަތަމަ ކޯވިޑް-19 ޖެހިފައިވަނީ 2020ވަނަ އަހަރުގެ މާރިޗު މަހުގެ ތެރޭގައެވެ. އޭގެ ދުވަސްކޮޅެއްފަހުން އޭނާގެ ދަރިކަލުން ވިލިއަމަށްވެސްވަނީ ބަލިޖެހިފައެވެ. މިދިޔަ ޑިސެންބަރު މަހުގެ ތެރޭގައި ޗާލްސްއާއި އޭނާގެ އަނބިކަނބަލުން ކެމީލިޔާވަނީ ކޯވިޑް-19ގެ ވެކްސިންގެ ތިންވަނަ ޑޯސް ނުވަތަ ބޫސްޓަރު ޑޯސް ޖައްސަވައިފައެވެ.