އިންގްލިޝް ޕްރިމިއަރ ލީގުގައި އާސެނަލް އާއި ނޯވިޗް ސިޓީ ބައްދަލުކުރިމެޗް އާސެނަލްއިން ފަސެހަ ކަމާއެކު ކާމިޔާބުކޮށްފިއެވެ. ނޯވިޗްގެ ދަނޑުގައި ކުޅުނު މިމެޗް އާސެނަލްއިން ކާމިޔާބުކުރީ ފަސް ލަނޑު ސުންލަނޑުންނެވެ. މިއީ އާސެނަލްގެ ކޯޗް ކަމާއި މިކޭލް އާޓެޓާ ހަވާލުވިފަހުން އެންމެ ތަފާތު ބޮޑުކޮށް އެޓީމް މޮޅުވި މެޗެވެ.
އާސެނަލްގެ ފަރާތުން މޮޅު ކުޅުމެއް ފެނިގެންދިޔަ މިމެޗްގައި އެޓީމްގެ ފުރަތަމަ ލަނޑު ޖަހައިދިނީ ބުކާޔޯ ސާކާއެވެ. އަދި ދެވަނަ ލަނޑު ފުރަތަމަ ހާފް ނިމެން އެއް މިނެޓަށް ވެފައިވަނިކޮށް ޖަހައިދިނީ ކިއެރަން ޓީނީއެވެ. މިމެޗްގައި އާސެނަލްގެ ތިންވަނަ ލަނޑު މެޗްގެ 67ވަނަ މިނެޓްގައި ޖަހައިދިނީ ފުރަތަމަ ލަނޑުވެސް ޖަހާދިން ސާކާއެވެ. އެޓީމުގެ ހަތަރުވަނަ ލަނޑު މެޗްގެ 84 ވަނަ މިނެޓްގައި ލިބުނު ޕެނަލްޓީއަކުން ކާމިޔާބުކޮށްދިނީ ކެޕްޓަން އެލެގްޒެންޑަރ ލަކަޒެޓްއެވެ. އަދި އާސެނަލްއިން މިމެޗްގައި ޖެހި ފަހު ލަނޑު މެޗްގެ އިތުރު ވަގުތުގައި ޖަހައިދިނީ އެމީލް ސްމިތު ރޯއެވެ.
މިކާމިޔާބީއާއެކު އާސެނަލްއިން މިހާރު މިވަނީ 19 މެޗުން ލިބިފައިވ 35 ޕޮއިންޓާއެކު ތާވަލްގެ ހަތަރު ވަނައިގައި މިވަގުތަށް ހަމަޖެހިލާފައެވެ. އަދި ތިން މެޗު މަދުން ކުޅެފައިވާ ޓޮޓްނަމް ހޮޓްސްޕަރ އުޅެނީ 29 ޕޮއިންޓާއެކު ފަސްވަނައިގައެވެ. އަދި ނޯވިޗް އުޅެނީ 10 ޕޮއިންޓާއެކު ތާވަލްގެ އެންމެ ފުލުގައެވެ.