ރައްޔިތުންގެ މަޖީލިހުގެ މަސައްކަތްތައް ތަޖުރިބާކުރުމުގެ ފުރުޞަތު ދިނުމަށް ޔޫއެންޑީޕީއާއި އޮސްޓްރޭލިއަން އެއިޑާއި ރައްޔިތުންގެ މަޖިލިސް ގުޅިގެން ޚާއްސަ ޕްރޮގްރާމްތަކެއް ކުރިއަށްގެންގޮސްފިއެވެ. "ޕްރެކްޓިސް ޕަރލިމެންޓް"ގެ ނަމުގައި ކުރިއަށްދިޔަ މިޕްރޮގްރާމްގައި މިހާތަނަށް ދެބައެއްވަނީ ކުރިއަށްގެންގޮސްފައެވެ.
ޒުވާނުންނަށް ޚާއްސަކޮށްގެން މިމަހުގެ 5އިން 9އަށް ހިންގި ޕްރޮގްރާމުގައި 40 ޒުވާނުން ބައިވެރިވެފައިވެއެވެ. އަންހެނުންނަށް ޚާއްސަކޮށްގެން މިމަހުގެ 12އިން 14އަށް ހިނގި ޕްރޮގްރާމްގައި 50 އަންހެނުންނަށްވަނީ ފުރުޞަތުދީފައެވެ. މަޖިލީހުގެ މަސައްކަތްތައް ތަޖުރިބާ ކުރުމަށް ބޭއްވި މި ޕްރޮގްރާމްގައި ނުކުޅުދުންތެރިކަން ހުންނަ ކުދިންވެސްވަނީ ބައިވެރިކޮށްފައެވެ.
ޕްރޮގްރާމްގެތެރެއިން މަޖިލީހުގެ މަސައްކަތްތައް ރާވާ ހިނގާގޮތް ކިޔާދިނުމާއި، މަޖިލީހުގެ ތާރީޚާ ގުޅޭ މަޢުލޫމާތު ޙިއްސާކުރުމާއި، މަޖިލީސް ކުރިއަށްދާގޮތް ޢަމަލީގޮތުން ތަޖުރިބާކުރުމުގެ ފުރުޞަތުވަނީ ދީފައެވެ. އަދި މަޖިލިސް އިދާރާއާއި ޗެމްބަރގެ މަސައްކަތްތައް ބެހިފައިވާގޮތްވެސް ދައްކާލާފައިވެއެވެ.
Watch what participants have to say about the #PracticeParliament for Women Program, conducted by UNDP Maldives and People's Majlis. Practice Parliament for Women was held from 12 - 14th December 2021.
— People's Majlis (@mvpeoplesmajlis) December 19, 2021
WATCH FULL VIDEO ??https://t.co/410odDIzWy pic.twitter.com/AfrCc45IpN
އެކި ސެޝަންތަކަށް ބަހާލައިގެން ކުރިއަށްގެންދިޔަ މިޕްރޮގްރާމްގައި، ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ބައިވެރިވެ ވަޑައިގެން މަޖިލީހުގެ ތާރީޚާ މަސައްކަތްތަކާ ގުޅޭ މަޢުލޫމާތު ޙިއްސާކުރެއްވިއެވެ.
ތަމްރީންތައް ދިނުމުގައި މަޖިލީހުގެ އިދާރީ މެންބަރުންނާ، މަޖިލިހުގެ އެކި ދާއިރާތަކުގެ ބައެއް މެންބަރުންވެސް ބައިވެރިވެ ވަޑައިގެންނެވިއެވެ.
މި ޕްރޮގްރާމްތަކުގެ ރެކޯޑިންގް ޕީއެސްއެމް ނިއުސްއިން ދަނީ ގެނެސްދެމުންނެވެ. އެގޮތުން "ޕްރެކްޓިސް ޕަރލިމެންޓް"ގެ ޒުވާނުންނަށް ޚާއްސަ ޕްރޮގްރާމް ރޭ 10 ޖެހިއިރު ޕީއެސްއެމް ނިއުސްއިން ގެނެސްދީފައިވާއިރު އަންހެނުންނަށް ޚާއްސަ ޕްރޮގްރާމް މިރޭ 10 ޖަހާއިރު ދެއްކުމަށްވަނީ ހަމަޖެހިފައެވެ.