ތަޢުލީމީ ދާއިރާއިން ޕާކިސްތާނާއި ރާއްޖެއާ ދެމެދު އިތުރަށް ގުޅުން ބަދަހިކުރުމަށް މަޝްވަރާކޮށްފިއެވެ.
މި މަޝްވަރާތައް ކޮށްފައިވަނީ މިސްރުގެ ވެރިރަށް ގާހިރާގައި ކުރިއަށްދިޔަ އިސްލާމީ ތަޢުލީމާއި ސައިންސާއި ސަޤާފަތާބެހޭ ޖަމްޢިއްޔާ އައިސިސްކޯ ކޮންފަރެންސްގެ ހަވާސާގައި އެޑިއުކޭޝަން މިނިސްޓަރ ޑރ.ޢާއިޝަތު ޢަލީއާއި ޕާކިސްތާނުގެ އެޑިއުކޭޝަން މިނިސްޓަރު ޝަފްގާތު މަޙްމޫދާއެކު ބޭއްވި ބައްދަލުކުރެއްވުމުގައެވެ.
މި ބައްދަލުވުމުގައި ވަނީ ޓީޗަރުންނާއި ފެކަލްޓީ ތަކުގެ މެދުގައި ބަދަލުކުރެވޭ މުއާމަލާތްތަކަށް ހާއްސަ އަހަންމިއްޔަތުކަމެއްދީގެން ތައުލީމީ ދާއިރާއިން ގުޅުން ބަދަހިކޮށް، ދިރުވައި އާލާކުރުމަށް ދެ ގައުމުގެ ދެމެދުގައި އެއްބަސްވުމަކަށް އައިސްފައެވެ. އަދި ކޯވިޑް-19ގެ ބަލިމަޑުކަމުގެ ޙާލަތުގައި ތަޢުލީމީ ދާއިރާއިން ޢަމަލުކުރަމުންދާގޮތުގެ ތަޖުރިބާއާއި، ޑިސްޓެންސް ލާނިން އެޑިޔުކޭޝަނަށް ކެޕިޓަލައިޒް ކުރުމުގެ މުހިންމުކަން ދެފަރާތުންވެސް ހިއްސާކުރެއްވިއެވެ.
Minister @aisthly met with the Federal Minister for Education, Professional Training and Heritage, Pakistan, HE Shafqat Mahmood on the sidelines of the 14th General Conference of @ICESCO_En and discussed ways in which both countries can collaborate to enhance education services. pic.twitter.com/kqUmZV26Qo
— Ministry of Education (@MoEdumv) December 9, 2021
އައިސެސްކޯ ކޮންފަރެންސްގައި މިނިސްޓަރ ޑރ.ޢާއިޝަތު ޢަލީ ވަނީ ކޯވިޑްގެ ސަބަބުން ރާއްޖޭގެ ތަޢުލީމީ ދާއިރާއަށް ކުރިމަތިވި ގޮންޖެހުންތަކުގެ މަޢުލޫމާތު ޙިއްސާކުރައްވާފައެވެ. އަދި ބަލިމަޑުކަމުގެ ސަބަބުން ސްކޫލުތަކުގެ ދަރިވަރުންނަށް ކުރިމަތިލާން ޖެހުނު ކަންތައްތަކުގެ މަޢުލޫމާތުވެސް މިނިސްޓަރު ހިއްސާކުރެއްވިއެވެ. އަދި އައިސިސްކޯ ޖަމިއްޔާގެ ވައިސް ޗެއާޕާސަންގެ މަގާމަށް ރާއްޖޭގެ އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ޢާއިޝަތު އާތިޔާ ނަސީރު ވަނީ ހޮވިވަޑައިގެންފައެވެ.
Minister @aisthly delivers her statement as the Head of the Maldivian Delegation at the 14th Session of the General Conference of @ICESCO_En.
— Ministry of Education (@MoEdumv) December 9, 2021
1/2 pic.twitter.com/s4h3SYLG3G
އައިސެސްކޯ ކޮންފަރެންސްގެ ރާއްޖޭގެ ވަފްދުގައި ހަޔާ އެޑިއުކޭޝަން މިނިސްޓަރު ޑރ.އިބްރާހީމް ހަސަން ވެސް ބައިވެރިވެވަޑައިގެންނެވިއެވެ.