ރައީސުލްޖުމްހޫރިއްޔާގެ އޮފީސް
އަންނަ އަހަރު ސަރުކާރުގެ ބަންދު ދުވަސްތަކެއްގެ ގޮތުގައި އިތުރު ދުވަސްތަކެއް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ކަނޑައަޅުއްވައިފިއެވެ.
ރައީސުލްޖުމްހޫރިއްޔާގެ ދެންނެވުމަކުން ވަނީ އަންނަ އަހަރުގެ 4 ދުވަހެއް ބަންދުކުރުމަށް ކަނޑައަޅުއްވާފައެވެ.
އެގޮތުން ބަންދުކުރައްވާފައިވާ ދުވަސްތަކުގެ ތެރޭގައި:
- 5 މޭ 2022 (ބުރާސްފަތި)
- 13 ޖުލައި 2022 (ބުދަ)
- 14 ޖުލައި 2022 (ބުރާސްފަތި)
- 28 ޖުލައި 2022 (ބުރާސްފަތި)
މި ދުވަސްތައް ބަންދުކޮށްފައިވަނީ ޢީދު ބަންދުތަކާއި މިނިވަން ދުވަހާ ގުޅިގެންނެވެ.
ސަރުކާރުން ފާހަގަކުރާ ރަސްމީ ދުވަސްތަކާއި ގުޅިގެން މީގެ ކުރިންވެސް މިފަދަ ދުވަސްތައް ބަންދުކުރަމުންދެއެވެ. އެގޮތަށް ރައީސުލްޖުމްހޫރިއްޔާ ދުވަސްތައް ބަންދުކުރަނީ މުވައްޒަފުންނަށް ލުއިފަސޭހަ ކޮށްދިނުމުގެ ގޮތުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ