ތާޖުއްދީން ސްކޫލްގެ ސްޓާފްރޫމަށް ބަޔަކު ވަދެ، ވަގަށް ނެގި ތަކެތި ފުލުހުން ހޯދައިފިއެވެ.
ފުލުުހުން ވިދާޅުވީ ތާޖުއްދީން ސުކޫލްގެ ސްޓާފް ރޫމަށް ބަޔަކު ވަދެ، ވައްކަންކޮށްފައިވާކަމުގެ މައުލޫމާތު މިއަދު ހެނދުނުގެ ވަގުތެއްގައި ލިބިފައިވާކަމަށެވެ. އަދި ވަގަށް ނަގާފައިވާ ތަކެތީގެ ތެރޭގައި ހިމެނޭ 7 ޓެބްލެޓަކާއި ހޭންޑްބޭގެއް މިއަދު ވަނީ ހޯދާފައިކަމަށްވެސް ފުލުހުން ވިދާޅުވެއެވެ.
ފުލުހުން ވިދާޅުވީ ވަގަށް ނެގި ތަކެތި ހޯދާފައިވަނީ މާލޭގެ ގެއެއްގައި ފޮރުވާފައި ހުއްޓާ ކަމަށެވެ .
ފުލުހުން ވިދާޅުވީ މިމައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައި ނުވާކަމަށެވެ. ނަމަވެސް މިމައްސަލަ ތަހުގީގު ކުރަމުންދާކަމަށް ފުލުހުން ވިދާޅުވެއެވެ..
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ