މިސްކިތަކަށް އަރާ، މިސްކިތުގައި ބާއްވާފައި އޮތް ޚަތިމަކަށް ކުޅުޖެހި މީހަކު ފުލުހުން ހައްޔަރުކޮށްފިއެވެ.
މަޢުލޫމާތު ލިބޭގޮތުގައި ހައްޔަރުކޮށްފައިވަނީ މާލޭގެ މިސްކިތްތަކަށް އަރައި ކުޑަކަމުދިޔަ މައްސަލާގައިވެސް އޭރު ހައްޔަރުކުރި މީހާއެވެ. ފުލުހުން ވިދާޅުވީ މާލޭ އިބްރާހީމީ މިސްކިތަށް އަރައި، މުޞްޙަފަށް ކުޅުޖެހި މައްސަލައިގައި ހައްޔަރުކޮށްފައިވަނީ 40އަހަރުގެ މީހެއްކަމަށާ އެކަން އިތުރަށް ބަލަމުންދާކަމަށެވެ. މިމީހާ ހައްޔަރުކޮށްފައިވަނީ މިއަދު ހަވީރު 16:00ހާއިރުއެވެ.
މި މީހާ ފުރަތަމަ ފަހަރަށް ހައްޔަރުކުރީ ހުކުރު މިސްކިތާއި އިސްލާމީ މަރުކަޒުގެ މިސްކިތުބަޔާއި އަދި ރައީސް އޮފީސް ދޮރުމައްޗަށް ކުޑަކަމުދިޔަ މައްސަލައިގައެވެ. އެއީ މިދިޔަ މަހުގެ 3ވަނަ ދުވަހުއެވެ. އެފަހަރު ދެ ފަރަތެއްގެމަތިން ބަންދުގެ މުއްދަތު އިތުރުކޮށް އޭނާ ބަންދުކޮށްފައިވެއެވެ.
މައްސަލައިގެ ތަހުޤީގު ނިންމައި ދަޢުވާކޮށްދިނުމަށްއެދި، މިދިޔަ މަހުގެ 24ވަނަ ދުވަހު ޕްރޮސެކިއުޓަރ ޖެނެރަލްގެ އޮފީހަށް ފުލުހުންވަނީ ފޮނުވާފައެވެ. އެ މީހާ ފުލުހުންގެ ބެލުމުގެދަށުން ދޫކޮށްލީ މިދިޔަ މަހުގެ 25ވަނަ ދުވަހުއެވެ.
މިސްކިތާއި ރައީސް އޮފީސް ދޮރުމައްޗަށް ކުޑަކަމުދިޔަ މީހާއަކީ ނުކުޅެދުންތެރިކަން ހުންނަ މީހެއްކަމަށް ފުލުހުން މީގެކުރިން ވަނީ ވިދާޅުވެފައެވެ. ރައްޔިތުންގެ މަޖިލީގައި ވާހަކަދައްކަވަމުން، ހޯމް މިނިސްޓަރ އިމްރާން އަބްދުﷲވަނީ އެނާއަކީ މަސްތުވާތަކެތީގެ ވަބާގަ ޖެހިފައިވާ މީހެއްކަމަށް ވިދާޅުވެފައެވެ.