އައްޑޫ ސިޓީގައި ހިނގި އެކްސިޑެންޓެއްގައި އަނިޔާވި މީހަކަށް ފަރުވާދެމުން ދަނިކޮށް ނިޔާވެއްޖެއެވެ.
ފުލުހުން ވިދާޅުވީ ރޭގެ ވަގުތެއްގައި ނިޔާވީ ޢުމުރުން 59 އަހަރުގެ ދިވެހި ފިރިހެނެއްކަމަށެވެ. އޭނާ ނިޔާވެފައިވަނީ އެކްސިޑެންޓުގެ ސަބަބުން ބޮލަށާއި މޫނަށް ލިބުނު އަނިޔާތަކަށް އައްޑޫ އިކުއެޓޯރިއަލް ހޮސްޕިޓަލުގައި ފަރުވާދެމުން ދަނިކޮށް ނިޔާވެފައިވަނީ 1120 ހާއިރުކަމަށްކަމަށް މަޢުލޫމާތު ލިބެއެވެ.
މިއެކްސިޑެންޓު ހިނގާފައިވަނީ އޭނާ ޑިއުޓީއަށް ދަނިކޮށް މަގުމަތީ ދުވަން ނުކުމެ އުޅޭ މީހެއްގެ ގައިގައި ޖެހިގެންކަމަށް ފުލުހުން ވިދާޅުވެއެވެ. މިއެކްސިޑެންޓުގައި ދުވަންދިޔަ މީހާއަށް މާބޮޑު އަނިޔާއެއް ނުލިބޭކަމަށް ފުލުހުން ވިދާޅުވެއެވެ.
އައްޑޫ ސިޓީ ލިންކް ރޯޑުގައި ހިންގާފައިވާ އެކްސިޑެންޓުތަކުގައި ގިނަ ބަޔަކުވަނީ ނިޔާވެފައެވެ. ރައްކާތެރިކަމަށްޓަކާ ދުވާ ފަރާތްތަކުން ސަމާލުވުމަށް އެތައް ފަހަރެއްގެ މަތިން ކަމާގުޅޭ އިދާރާތަކުންވަނީ ނަސޭޙަތްތެރިވެފައެވެ.