އިޓާލިއަން ސެރީއާގައި އޭސީ މިލާނާއި ޓޮރީނޯ ބައްދަލުކުރިމެޗް މިލާން ކާމިޔާބުކޮށް ތާވަލްގެ އެއްވަނައަށް އަރައިފިއެވެ. މިލާންގެ ދަނޑުގައި ކުޅުނު މިމެޗް މިލާން ކާމިޔާބުކޮށްފައިވަނީ އެއްލަނޑު ސުންލަނޑުންނެވެ.
ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގައި ގިނަ ހަމަލާ އުފައްދާފައިވަނީ ޓޮރީނޯ. މިމެޗްގައި މިލާނުން ޖެހި ހަމައެކަނި ލަނޑު މެޗްގެ 14 ވަނަ މިނެޓްގައި ޖަހައިދިނީ އޮލިވަރ ޖިރޫއެވެ. މިއީ މިހާތަނަށް ޖިރޫ ކުޅުނު ހަ މެޗްގައި ޖަހައިދިން ހަތަރުވަނަ ލަނޑެވެ. މިމެޗްގައި މީގެއިތުރުންވެސް ލަނޑު ޖަހާނެ ރަނގަޅު ފުރުސަތު ދެޓީމަށްވެސް ލިބިފައިވެއެވެ. މިގޮތުން ޓޮރީނޯގެ ޓޮމާސޯ ޕޮބެގާއަށް މެޗްގެ ނަތީޖާ ހަމަހަމަ ކުރުމަށް ލިބިގެންދިޔަ ފުރުސަތު ފާހަގަ ކޮށްލެވެއެވެ.
މިކާމިޔާބީއާއެކު މިލާން މިހާރު އުޅެނީ ކުޅުނު 10 މެޗުން ލިބިފައިވާ 28 ޕޮއިންޓާއެކު ތާވަލްގެ އެއްވަނައިގައެވެ. އަދި ޓޮރިނޯ އުޅެނީ 10 މެޗުން ލިބިފައިވާ 11 ޕޮއިންޓާއެކު ތާވަލްގެ 13 ވަނައިގައެވެ. މިމުބާރާތުގައި ބުރާސްފަތި ދުވަހު ނަޕޯލީ އާއި ބޮލޯނިއާ ބައްދަލުކުރާ މެޗުން ނަޕޯލީ މޮޅުވެއްޖެނަމަ އެޓީމަށް ތާވަލްގެ އެއްވަނައަށް ފައިދާ ގޯލަށް ބަލާއިރު އެރުމުގެ ފުރުސަތު ލިބޭނެއެވެ. މިލާނަށް ދެން އޮތީ ރަށުން ބޭރުގައި އޭއެސް ރޯމާ އާއި ބައްދަލުކުރާ މެޗެވެ.