އަމީނީމަގުގައި ހުންނަ "ސީގަލް" ޢިމާރާތުގައި އަލިފާނުގެ ހާދިސާއެއް ހިނގައިފިއެވެ.
މި އަލިފާނުގެ ހާދިސާ ހިނގާފައިވަނީ އެ ޢިމާރާތުގެ 4ވަނަ ފަންގިފިލާގައެވެ. މިހާދިސާގައި އެއްވެސް މީހަކަށް އަނިޔާލިބުނުކަމުގެ މަޢުލޫމާތެއް މިހާތަނަކަށް ނުލިބެއެވެ.
އެ އިމާރާތުގައި އަލިފާން ރޯވުމުގެ ސަބަބުން ވަގުތުން އެމްއެންޑީއެފްގެ ފަޔަރ އެންޑް ރެސްކިއު ސަރިވަސްއިން ވަގުތުން އެތަނަނަށް ގޮސް ވަނީ އަލިފާން ނިންވާލާފައެވެ. އަދި އެމްއެންޑީއެފްއާއި ފުލުހުން ވަނީ އެ އިމާރަތުގައި އެވަގުތު ތިބި މީހުން އިމާރާތުން ނެރެފައެވެ. އަލިފާން ރޯވެފައި ހުރި ވަގުތު އިމާރާތުގެ ބައިބައި ވަނީ މަގުމައްޗަށް ވެއްޓިފައެވެ. އަދި ބޭރުން ބަލާ ބެލުމަށް ވަރަށްބޮޑަށް އަނދާފައިވާކަން ފާހަގަކުރެވެއެވެ.
އަމީނީ މަގުގައި ހުރި ޢިމާރާތެއްގައި އަލިފާން ރޯވެ އަނދަނީ. އަލިފާން ނިއްވުމަށް އެމްއެންޑީއެފުގެ އަލިފާން ނިއްވާ ސިފައިން ދަނީ ޙަރަކާތްތެރިވަމުން. pic.twitter.com/DJGeljekIO
— PSM News (@psmnewsmv) October 17, 2021
މަޢުލޫމާތު ލިބިފައިވާ ގޮތުގައި އަލިފާނުގެ ހާދިސާ ހިނގާފައިވާ އެ އިމާރާތުގެ 4 ވަނަ ފަންގިފިލާއަކީ "ސީގަލް" ކެފޭގައި މަސައްކަތް ކުރަމުންދާ ބޭރު މުވައްޒަފުން ދިރިއުޅެމުން އައި ފަންގިފިލާއެވެ. އަދި އެ އިމާރާތުގައި ދެން ހުރި ފަންގިފިލާތަކަކީ ގުދަނުގެ ގޮތުގައި ބޭނުންކުރަމުންދާ ތަނެއްކަމަށް މަޢުލޫމަތު ލިބެއެވެ. މިހާދިސާ ހިގަން މެދުވެރިވި ސީދާ ސަބަބު ނޭގުނުނަމަވެސް މަޢުލޫމާތު ލިބިފައިވާގޮތުގައި އަލިފާން ރޯވީ އެސީއަކަށް ދިމާވި މައްސަލައެއްގެ ސަބަބުންނެވެ.