ކޯވިޑަށް ފަރުވާ ހޯދަމުންދިޔަ 81 އަހަރުގެ ދިވެއްސަކު ނިޔާވެއްޖެއެވެ.
އެޗްޕީއޭއިން ވިދާޅުވީ ކޯވިޑް ޖެހިގެން ނިޔާވީ ރޭ 9:20 ހާއިރު ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލަށް ގެންދެވުނު 81 އަހަރުގެ އަންހެނެއްކަމަށެވެ.
މިއީ ރާއްޖެއިން ކޯވިޑް ޖެހިގެން ރާއްޖެއިން ނިޔާވި 236 ވަނަ މީހާއެވެ.
Last night (12/10/21) at 09:20 pm a 81-year-old Maldivian female brought to ASMH was declared dead
— Health Protection Agency (@HPA_MV) October 13, 2021
This is the 236th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven
ރާއްޖޭގައި ކޯވިޑް ޖެހޭ މީހުންގެ އަދަދާއި އެ ބަލީގައި މަރުވާ މީހުންގެ އަދަދު ވަނީ ވަރަށް ބޮޑަށް މަދުވެފައެވެ.
ހެލްތު ޕްރޮޓެކްޝަން އެޖެންސީ، އެޗް.ޕީ.އޭއިން ޢާއްމުކޮށްފައިވާ އެންމެފަހުގެ ތަފާސް ހިސާބުތައް ދައްކާގޮތުން ފާއިތުވި 24 ގަޑިއިރުތެރޭގައި 110 މީހަކު ވަނީ ކޯވިޑަށް ޕޮޒިޓިވްވެފައެވެ. މީގެތެރޭގައި ހިމެނެނީ މާލެ ސަރަޙައްދުން ޕޮޒިޓިވްވި 26 މީހުންނާއި، އަތޮޅުތަކުގެ ރަށްރަށުން ޕޮޒިޓިވްވި 75 މީހުންނެވެ. އަދި ރިސޯޓްތަކުން ޕޮޒިޓިވްވި 9 މީހަކުވެސް މީގެތެރޭގައި ހިމެނެއެވެ.