އެމްޕީއެލްގެ މުދާ އުފުލުމުގެ މަސައްކަތަށް އިތުރު ބާޖެއް ގެނެސް ބޭނުންކުރަން ފަށައިފިއެވެ. އަލަށް ގެނެސްފައިވަނީ 262 ޓަނުގެ ބާޖެކެވެ.
މޯލްޑިވްސް ޕޯޓްސް ލިމިޑެޓް (އެމްޕީއެލް)އިން ވިދާޅުވީ އެކުންފުނީގެ ފްލީޓަށް އިތުރުވި ބާޖާއެކު ކޮންޓެއިނަރު ބޯޓުތަކުން ކޮމާޝަލް ބަނދަރަށް މުދާ އުފުލުމުގެ މަސައްކަތް އިތުރު ހަރުދަނާވެގެން ދާނެކަމަށެވެ. އަދި ކަސްޓަމަރުންނަށް ދެމުންދާ ޚިދުމަތްތައްވެސް އިތުރަށް ރަނގަޅުވެގެންދާނެ ކަމަށް އެމްޕީއެލުން ވިދާޅުވެއެވެ.
އެމްޕީއެލްގެ ފްލީޓުގައި މިހާރު 8 ބާޖު އޮވެއެވެ.
To make our operations more efficient, we have added a new barge to our fleet. This addition will enhance transfer capacity of our mid-stream operations and MPL’s container terminals, allowing us to provide better service for our customers. pic.twitter.com/aX0FMZ2iuj
— Maldives Ports Limited (@Portmv) September 20, 2021
އެމްޕީއެލުން ދަނީ އެކުންފުނިން ދޭ ޚިދުމަތްތަކުގެ ފެންވަރު ރަނގަޅު ކުރުމަށް ގިނަ މަސައްކަތްތަކެއް ކުރަމުންނެވެ. އެގޮތުން މިއަހަރުގެ ޖުލައިމަހުގެތެރޭވަނީ އެމްޕީއެލްއަށް ދައްކަންޖެހޭ ފައިސާ އޮންލައިންކޮށް ދެއްކޭނެ ފަސޭހަ އިންތިޒާމެއް ހަމަޖައްސާފައެވެ.