ކްލަބަށް ހިތްހަމަޖެހޭވަރުގެ ހުށަހެޅުމެއް ލިބިއްޖެނަމަ ކްލަބް ދޫކޮށްދާން ބޭނުންކަމުގައި އިޓާލިއަން ސެރިއާގެ ޗެމްޕިއަން އިންޓަރ މިލާންގެ އެންމެ މުހިންމު އެއް ކުޅުންތެރިޔާ ކަމަށްވާ ރޮމެލޫ ލުކާކޫ ހާމަކޮށްފިއެވެ.
ލުކާކާ ގެންދިއުމަށް އެންމެ ބޮޑަށް މަސައްކަތް ކުރަމުންދަނީ ޔުއޭފާ ޗެމްޕިއަންސް ލީގުގެ ޗެމްޕިއަން ޗެލްސީއެވެ.
ޗެލްސީން މިހާތަނަށް ވަނީ 85 މިލިއަން ޕައުންޑްގެ ފީއެއް ލުކާކޫ ހޯދުމަށްޓަކައި ހުށަހަޅާފައެވެ. ނަމަވެސް އިންޓަރއިން ވަނީ އެހުށަހެޅުން ގަބޫލްނުކޮށް ދޫކޮށްލާފައެވެ. އިންޓަރއިން ބޭނުންވީ ލުކާކޫވެސް ކުރިން ކްލަބްގައި މަޑުކުރަން ބޭނުންވާކަން ހާމަކޮށްފައިވުމުގެ ސަބަބުން އޭނާ މިއަންނަ ސީޒަންގައި ބަހައްޓާށެވެ. ނަމަވެސް މިހާރު ލުކާކޫގެ ވިސްނުން މިކަމުގައި ބަދަލުވެފައިވާކަމަށް ޚަބަރުތައް ލިބެއެވެ. އަދި އޭނާވެސް މިޙާރު ބޭނުންވަނީ ޗެލްސީއަށް ބަދަލުވާށެވެ. އެހެންކަމުން އިންޓަރއިންވެސް އޭނާ ދޫކޮށްލާނެކަމަށް މިހާރުވަނީ ބެލެވިފައެވެ. ނަމަވެސް މިހާރު އުފެދޭ ސުވާލަކީ ޗެލްސީން ހުށަހެޅި ހުށަހެޅުން ބޮޑު ކުރަން އެކްލަބުން ބޭނުްތޯއާމެދު އުފެދޭ ސުވާލެވެ.
ޗެލްސީން އޮތީ ފައިސާގެ އިތުރުން ލުކާކޫ ގެނައުމަށްޓަކައި މާކަސް އަލޮންސޯ އިންޓަރއަށް ދިނުމަށް ތައްޔާރަށެވެ. ލުކާކޫ އިންޓަރއާއި ގުޅިފައިވަނީ 2019 ވަނަ އަހަރު 80 މިލިއަން ޔޫރޯގެ ފީއަކަށް މެންޗެސްތަރ ޔުނައިޓެޑުންނެވެ.