ރޯމާއަށް ސޮއިކުރި ރޫއީ ޕެޓުރީޝިޔޯ / ފޮޓޯ: ރޮއިޓަރސް
ވުލްވްސްގެ ކީޕަރު ރޫއީ ޕެޓުރީޝިޔޯ ރޯމާއަށް ސޮއިކޮށްފިއެވެ. މަޢުލޫމާތު ލިބިފައިވާ ގޮތުގައި ޕެޓުރީޝިޔޯ ރޯމާއަށް ސޮއިކޮށްފައިވަނީ ގާތްގަނޑަކަށް 12 މިލިޔަން ޔޫރޯއަށެވެ.
ޢުމުރުން 33 އަހަރުގެ ޕެޓުރީޝިޔޯވަނީ ވޭތުވެދިޔަ ތިން އަހަރު ވުލްވްސްގައި މޮޅު ކުޅުމެއް ދައްކާފައެވެ. އޭގެ އިތުރުން ނިމިގެންދިޔަ ޔޫރޯ 2020ގައި އޭނާވަނީ ޕޯޗުގަލުގެ ޤައުމީ ޓީމަށްވެސް ކުޅެފައެވެ. އޭނާގެ ބަދަލުގައި ވުލްވްސުން ގެނައުމަށް ނިންމާފައިވަނީ އޮލިންޕިޔާކޯސްގެ ކީޕަރު ހޯސޭ ސާއެވެ. އޭނާއަކީ ޕޯޗުގަލުގެ ކީޕަރެކެވެ.
އަންނަ ސީޒަނުގައި ރޯމާއިން ނުކުންނާނީ ޖަރުރިބާކާރު ކޯޗު ހޯސޭ މޮރީނިޔޯގެ އިރުޝާދުގެ ދަށުންނެވެ. ޕޯޗުގަލަށް އުފަން މޮރީނިޔޯގެ ދަށުން މެންޗެސްޓަރ ޔުނައިޓަޑަށް ކުޅުނު ކުރިސް ސުމޯލިންނާއި ހެންރިކް މިޚިތާރިޔަންވެސް މިހާރު ކުޅެނީ ރޯމާއަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ