މެންޗެސްޓަރ ޔުނައިޓެޑުގެ ފޯވަޑު މާކަސް ރަޝްފޮޑު / ފޮޓޯ: ރޮއިޓަރސް
މެންޗެސްޓަރ ޔުނައިޓެޑުގެ ފޯވަޑު މާކަސް ރަޝްފޮޑަށް ލިބިފައިވާ އަނިޔާތަކުގެ ސަބަބުން ދެ މަސްދުވަހަށް އޭނާ ކުޅުމާ ދުރުގައި ހުންނަން ޖެހިއްޖެއެވެ.
މަޢުލޫމާތު ލިބިފައިވާ ގޮތުގައި ރަޝްފޮޑުގެ ކޮނޑުހުޅާއި ފައިގެ ކުޑަހުޅަށް ލިބިފައިވާ އަނިޔާތަކުގެ ސަބަބުން އޮޕަރޭޝަން ކުރަން އޭނާއަށްވަނީ މަޖުބޫރުވެފައެވެ. އެ ގޮތުން އޭނާ އޮޕަރޭޝަން ކުރުމަށް ހަމަޖެހިފައިވަނީ މި މަހުގެ ފަހުކޮޅުއެވެ. އޭނާ އޮޕަރޭޝަންކޮށް ނިމިގެން އަލުން ކުޅުމަށް ނުކުމެވޭނީ އަންނަ އޮކްޓޯބަރު މަހުގެ ތެރޭގައިކަމަށް ބެލެވެއެވެ. އޭނާގެ އެޖެންސީން މީގެ ކުރިން ބުނެފައިވާ ގޮތުގައި ފާއިތުވި 2 ސީޒަނުގައި އޭނާ ކުޅެފައިވަނީ އަނިޔާގައި ހުރެގެންނެވެ.
މިދިޔަ ސީޒަނުގައި ރަޝްފޮޑުވަނީ ޔުނައިޓަޑަށް ކުޅުނު 57 މެޗުގައި 21 ގޯލު ޖަހައި 15 އެސިސްޓުކޮށްފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ