ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙަކީ ޑިމޮކްރަސީ ރަނގަޅަށް ފަހުމުވެވަޑައިގަންނަވާ، ޑިމޮކްރަސީއާ ރަށްޓެހި ބޭފުޅެއްކަމަށް ޓޫރިޒަމް މިނިސްޓަރ ޑރ. އަބްދުﷲ މައުސޫމް ވިދާޅުވެއްޖެއެވެ.
ޓޫރިޒަމް މިނިސްޓަރ ޑރ. އަބްދުﷲ މައުސޫމް ކުރެއްވި ޓްވީޓެއްގައި ވިދާޅުވީ ރައީސް ޞާލިޙުގެ ހުރިހާ ސަމާލުކަމެއް ހުރީ އެމަނިކުފާނުގެ ރިޔާސީ މެނިފެސްޓޯގެ ވައުދުތައް ފުއްދެވުމަށްކަމަށެވެ. އަދި އެކަމުން ދޭހަވަނީ އެމަނިކުފާނަކީ ޑިމޮކްރަސީ ރަނގަޅަށް ފަހުމުވެލައްވާ، ޑިމޮކްރަސީއާ ރައްޓެހި ލީޑަރެއްކަންކަމަށްވެސް ޑރ. މައުސޫމް ފާހަގަކުރައްވައެވެ.
ޑރ. މައުސޫމް ވިދާޅުވީ 2023 ވަނަ އަހަރު ރިޔާސީ އިންތިޚާބުގެ ފޯރި ގަދަވެފައިވާއިރު، ރިޔާސީ އީދުގައި ރައްޔިތުން އަތްޖަހާނީ މީހާއަކަށް ނޫން ކަމަށާއި މެނިފެސްޓޯއަށްކަމަށެވެ.
ރައީސް ޞާލިޙްގެ ހުރިހާ ފޯކަސްއެއްްް އެމަނިކުފާނުގެ ރިޔާސީ މެނިފެސްޓޯގެ ވައުދުފުއްދަން ހުރުމުން ދޭހަވަނީ އެމަނިކުފާނަކީ ޑިމޮކުރަސީ ރަނގަޅަށްފަހުމުވެލައްވާ، ޑިމޮކުރަސީއާ ރައްޓެހި ލީޑަރެއްކަން. https://t.co/NQxWNLILIX
— Abdulla Mausoom (@Mausoom_Maus) July 12, 2021
ރިޔާސީ އިންތިޚާބުގެ ފޯރިގަދަވެފައިވާކަމަށް ޓުއަރިޒަމް މިނިސްޓަރ ފާހަގަކުރައްވާފައިވާއިރު، ރާއްޖޭގެ ސިޔާސީ މަސްޜަހުގައި ތަފާތު ކަންކަން މިދުވަސްވަރު ދަނީ ހިނގަމުންނެވެ. އެގޮތުން ބައެއް ބޭފުޅުން އައު ސިޔާސީ ޕާޓީތައް ހަދައިގެން މަސައްކަތް ފެށުމަށްވެސް ދަނީ ތައްޔާރުވަމުންނެވެ. މިގޮތުން ކުރީގެ ހޯމް މިނިސްޓަރ އަބްދުﷲ ކަމާލުއްދީންއާއި ކުރީގެ ޑިފެންސް މިނިސްޓަރ މުހައްމަދު ނާޒިމް ގެންދަވަނީ ސިޔާސީ ޕާޓީއެއް އުފެއްދުމުގެ މަސައްކަތް ކުރައްވަމުންނެވެ.