ހދ. އަތޮޅު ކައުންސިލްގެ ނައިބު ރައީސް ކަމަށް ކުމުންދޫ ކައުންސިލްގެ ރައީސް އަމީން މުހައްމަދު އިންތިޚާބް ކޮށްފިއެވެ.
އަމީން ހދ އަތޮޅު ކައުންސިލްގެ ނައިބު ރައީސްކަމަށް އިންތިޚާބު ކުރީ މިއަދު ހދ އަތޮޅު ކައުންސިލްގެ ޖަލްސާކުރާ މާލަމްގައި ބޭއްވި އެކައުންސިލްގެ 4 ވަނަ ދައުރުގެ 5 ވަނަ އާންމު ބައްދަލުވުމުގައެވެ.
ހދ އަތޮޅު ކައުންސިލްގެ 14 މެންބަރުން ބައިވެރިވި މިބައްދަލުވުމުގައި ހދ އަތޮޅު ކައުންސިލްގެ ނައިބު ރައީސްކަމަށް އަމީން އިންތިޚާބުވީ 8 ވޯޓުލިބިގެންނެވެ. އަމީންއާ ވާދަކުރި ހދ ކުރިނބީ ކައުންސިލްގެ ރައީސް ޢަބްދުﷲ އަސްލަމަށް ލިބުނީ 6 ވޯޓެވެ.
ހދ އަތޮޅު ކައުންސިލްގެ ރައީސަކަށް ހުންނަވަނީ ވެރިކަންކުރާ ޕާޓީ އިންތިޚާބުގައި ވާދަކުރެއްވި މުހައްމަދު ސިރާޖެވެ.
ލޯކަލް ކައުންސިލް އިންތިޚާބުގައި ހދ އަތޮޅު ކައުންސިލްގެ ރައީސްގެ ގޮނޑިއަށް ސިރާޖުގެ އިތުރުން ތިން މީހަކު ވާދަކުރިއެވެ. އެ ތިން މީހުންނަކީވެސް ކުޅުދުއްފުއްޓަށް ނިސްބަތްވާ ތިން މީހުންނެވެ.