ކޯވިޑް-19ގައި ރާއްޖެއިން ނިޔާވި މީހުންގެ ޢަދަދު 196އަށް އަރައިފިއެވެ.
މީގެތެރެއިން 4 މީހަކު ނިޔާވީ ވޭތުވެދިޔަ 24 ގަޑިއިރުގެ ތެރޭގައެވެ.
ރާއްޖެއިން މިއަދު ނިޔާވި 4 މީހުންގެ ތެރެއިން 2 މީހަކު ނިޔާވެފައިވަނީ ހުޅުމާލޭ މެޑިކަލް ފެސިލިޓީގައި ފަރުވާދެމުންދަނިކޮށެވެ. އެއީ އުމުރުން 84 އަހަރުގެ ދިވެހި ފިރިހެނަކާއި އުމުރުން 63 އަހަރުގެ ދިވެހި އަންހެނެކެވެ. މީގެއިތުރުން ޑީއެޗް-11ގައި ވެންޓިލޭޓަރުގައި ފަރުވާދެމުންގެންދިޔަ އުމުރުން 25 އަހަރުގެ އަންހެނަކުވެސް ވަނީ ނިޔާވެފައެވެ. އަދި އެންމެފަހުން ނިޔާވެފައިވަނީ ލ.އަތޮޅު ކޯވިޑް ފެސިލިޓީގައި ފަރުވާ ދެމުން ގެންދިޔަ އުމުރުން 92 އަހަރުގެ ދިވެހި ފިރިހެނެކެވެ. އެމީހާ ނިޔާވީ މިރޭ 10:00 ޖަހާއެހާއިރުއެވެ.
ރާއްޖެއިން މިހާތަނަށް 196 މީހަކު ކޯވިޑް ޖެހިގެން ނިޔާވެފައިވާއިރު މީގެތެރޭގައި ހިމެނެނީ 179 ދިވެހިންނާއި 17 ބިދޭސީންނެވެ.