އައްޑޫ ސިޓީގެ މަގެއް- ފައިލް ފޮޓޯ ޕީއެސްއެމް
އިއްޔެ އައްޑޫގައި ހިނގި އެކްސިޑެންޓްގައި ޒަޚަމްވެ ފަރުވާދެމުންދިޔަ ކުއްޖާ މަރުވެއްޖެއެވެ.ފުލުހުން ބުނީ ހިތަދޫ ބޮޑު މަގުގައި ހިނގި އެކްސިޑެންޓްގައި ސީރިއަސް އަނިޔާތަކެއް ލިބުނު، އުމުރުން 17 އަހަރުގެ އަހަރުގެ ނަވާލު މުޙައްމަދު މަރުވެފައިވަނީ ރޭ ދަންވަރުގެ ދެގަޑި ބައި އެހާކަންހާއިރުކަމަށެވެ. ނަވާލު މަރުވީ އިއްޔެ ހިތަދޫ ބޮޑުމަގުގައި ދެ ސައިކަލު ޖެހި ހިނގި އެކްސިޑެންޓްގައި ލިބުނު އަނިޔާތަކަށް ހިތަދޫ ރީޖަނަލް ހޮސްޕިޓަލުގެ އައިސީޔޫގައި ފަރުވާދެމުންދަނިކޮށެވެ. މި އެކްސިޑެންޓްގައި އިތުރު ޒުވާނަކަށްވެސް އަނިޔާވެފައިވެއެވެ. އެހެންނަމަވެސް އޭނާއަށް މާބޮޑު އަނިޔާތަކެއް ލިބިފައެއް ނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ