އެންބީއޭ ބާސްކެޓް ބޯޅަ މުބާރާތުގައި ބްރޫކްލިން ނެޓްސް އާއި ސެން އެންޓޯނިއޯ ސްޕަރސް ބައްދަލުކުރިމެޗް ނެޓްސް ކާމިޔާބުކޮށްފިއެވެ. މިމެޗް ނެޓްސް ކާމިޔާބުކުރީ 128 ޕޮއިންޓް 116 ޕޮއިންޓުންނެވެ.
މިމެޗްގައި ނެޓްސްގެ ޖޭމްސް ހާޑެންވަނީ އެޓީމަށް 18 ޕޮއިންޓް ހޯދައިދީ 7 ރީބައުންޑް ނަގައި 11 އެސިސްޓް ކޮށްފައެވެ. އަދި ސްޕަރސްގެ ޑިޖޫންޓޭ މަރީވަނީ އެޓީމަށް 15 ޕޮއިންޓް ހޯދައިދީ 11 ރީބައުންޑް ނަގާފައެވެ.
މިމުބާރާތުގައި އެޓްލާންޓާ ހޯކްސް އާއި ވޮޝިންގޓަން ވިޒަޑްސް ބައްދަލުކުރިމެޗް 120 ޕޮއިންޓް 116 ޕޮއިންޓުން ކާމިޔާބުކުރީ ހޯކްސްއެވެ. މިމެޗްގައި ހޯކްސްގެ ޓްރެއި ޔަންގް ވަނީ އެޓީމަށް 33 ޕޮއިންޓް ހޯދައިދީ 8 ރީބައުންޑް ނަގާ 9 އެސިސްޓް ކޮށްފައެވެ. އަދި ވިޒަޑްސްގެ ރަސެލް ވެސްޓްވުޑް ވަނީ 34 ޕޮއިންޓް ހޯދައިދީ 5 ރީބައުންޑް ނަގާ 15 އެސިސްޓް ކޮށްފައެވެ. މީގެއިތުރުން ޕޯޓްލަންޑް ޓްރެއިލް ބްލޭޒަރސް އާއި ޔޫޓާ ޖޭޒް ބައްދަލުކުރިމެޗް 105 ޕޮއިންޓް 98 ޕޮއިންޓުން ކާމިޔާބުކުރީ ޓްރެއިލް ބްލޭޒަރސްއެވެ. މިމެޗްގައި ބްލޭޒަރސްގެ ޑެމިއަން ލިލާޑްވަނީ 30 ޕޮއިންޓް ހޯދައިދީ ފައެވެ. އަދި ޖޭޒްގެ ރޫޑީ ގޮބަރޓް ވަނީ 15 ޕޮއިންޓް ހޯދައިދީ 20 ރީބައުންޑް ނަގާފައެވެ.
މިމުބާރާތުގައި ކުޅުނު އެހެން މެޗްތަކަށް ބަލާއިރު ޑެލަސް މެވްރިކްސް އާއި ނިއުއޯލިއަންސް ޕެލިކަންސް ބައްދަލުކުރިމެޗް 125 ޕޮއިންޓް 107 ޕޮއިންޓުން މެވްރިކްސް ކާމިޔާބުކޮށްފައިވާއިރު ކްލީވްލަންޑް ކެވެލިއަރސް އާއި ބޮސްޓަން ސެލްޓިކްސް ބައްދަލުކުރިމެޗް 102 ޕޮއިންޓް 94 ޕޮއިންޓުން ކާމިޔާބުކުރީ ކެވެލިއަރސްއެވެ.