ސޮނީ ޓީވީން ގެނެސްދޭ އެންމެ ކާމިޔާބު އެއް ޝޯ "ކޯން ބަނޭގާ ކަރޯޑްޕަތީ" ގެ އައު ސީޒަން ފެށުމަށް ތައްޔާރުވެއްޖެއެވެ. މި ފަހަރު އަންނަނީ މި ސީރީޒްގެ 13 ވަނަ ސީޒަންއެވެ.
މަޝްހޫރު ކާމިޔާބު ތަރި އަމީތާބު ހުށައަޅާ ދެމުން އަންނަ މި ޝޯގެ އައި ސީޒަންގައި ބައިވެރިވުމުގެ ފުރުސަތު ހުޅުވާލަނީ މިމަހުގެ 10 ވަނަދުވަހުއެވެ. އަދި ޝޯގެ ޕްރޮމޯތައްވެސް ސޮނީ ޓީވީން މިހާރު ވަނީ ދައްކަން ފަށާފައެވެ.
އިނގިރޭސި ޝޯ " ހޫ ވޯންޓްސް ޓުބީ އަ މިލިއަނަރ" ގެ ހިންދީ ވާޝަން އަކީ އެޤައުމުގައި ވަރަށް މަގްބޫލް އެއް ޝޯއެވެ. އަދި ހާއްސަކޮށް މި ޝޯ އަމީތާބު ހުށައަޅާދޭ ގޮތަކީ ގިނަބަޔަކަށް ޝޯ ކަމުދާ އެއް ސަބަބަވެ.
Aap ke aur aap ke sapno tak ka faasla ab ho sakta hai poora. Keejiye koshish aur leejiye apne sapno ki ore pehla kadam #KBC ke saath. Shuru ho rahe hai #KBC13 ke sawaal aur registrations 10 May se. @SrBachchan pic.twitter.com/CB5JQIexsw
— sonytv (@SonyTV) May 6, 2021
މި ޝޯ މެދުވެރިކޮށް މިލިއަނަރަކަށް ވުމުގެ ފުރުސަތު ލިބިގެންދާއިރު އިންޑިއާގެ ފަގީރު އަވަށްތަކުން ބައެއް މީހުން އަންނަނީ މި ޝޯގައި ބައިވެރިވެ ރަނގަޅު ކާމިޔާބީތައްވެސް ހޯދަމުންނެވެ. ބޭނުން ކޮންމެ މީހަކަށް ބައިވެރިވުމުގެ ފުރުސަތު ހުޅުވާލާފައި އޮންނަ މި ޝޯގައި ހިލޭ ސާބަހަށް މަސައްކަތް ކުރާ ޖަމިއްޔާތަކަށްވެސް ބައިވެރިވުމުގެ ފުރުސަތު އަންނަނީ ދެމުންނެވެ.
2010 ވަނަ އަހަރު ދައްކަން ފެށި މި ޝޯގެ އެންމެ ސީޒަނެއް ފިޔަވާ ހުރިހާ ސީޒަނެއްގައި ހޯސްޓަކީ އަމިތާބެވެ. އަމީތާބެ ފެނިގެން ނުދިޔަ ސީޒަންއަކީ 3 ވަނަ ސީޒަންއެވެ. އެފަހަރުގެ ސީޒަން ހުށައަޅާދިނީ ބޮލީވުޑްގައި އަމީތާބަށްފަހު ދެން އެންމެ ކާމިޔާބު ތަރީގެ ގޮތުގައި ގުނަމުން އަންނަ ޝާހްރުކް ހާންއެވެ.