ކުޅުދުއްފުށީ ރީޖަނަލް ހޮސްޕިޓަލްގައި އެޑްމިންޓްކޮށްފައި އޮތް ބަލި މީހަކާއި އޭނާގެ އެހީތެރިޔާ ކޯވިޑް-19އަށް ޕޮޒިޓިވެ ކުޅުދުއްފުށި ސިޓީ މޮނިޓަރިންއަށް ލައިފިއެވެ.
ކުޅުދުއްފުށީ ރީޖަނަލް ހޮސްޕިޓަލުން ވިދާޅުވީ ކޯވިޑް-19އަށް ޕޮޒިޓިވް ވެފައިވަނީ މިމަހުގެ 22ވަނަ ދުވަހު ޅ.ނައިފަރުން އެހޮސްޕިޓަލަށް ޑޮކްޓަރަށް ދައްކަންއައި ނައިފަރު މީހަކާއި އޭނާގެ އެހީތެރިޔާކަމަށެވެ. މި ބަލިމީހާ އެޑްމިޓްކޮށްފައި ފައިވަނީ ސާޖިކަލް ކޭސްއަކާ ގުޅިގެންކަމަށްވެސް އެހޮސްޕިޓަލުން ވިދާޅުވެއެވެ.
މިދެމީހުން ކޯވިޑް-19އަށް ޓެސްޓްކުރީ އެމީހުން ކުޅުދުއްފުއްޓަށް އައުމުގެ ކުރިން ބަލިމީހާ ޅ.ނައިފަރު ހޮސްޕިޓަލްގައި އެޑްމިޓްކޮށްފައި އޮތްއިރު އެހޮސްޕިޓަލުގައި އޭނާ ޖެހިގެން ހުރި އެނދުގައި އޮތް ބަލިމީހާ ކޯވިޑް-19އަށް ޕޮޒިޓިވް ވުމާގުޅިގެންނެވެ.
މިހާރު ކުޅުދުއްފުށީގައި ކޮންޓެކްޓް ރޭސިންގެ މަސައްކަތް ކުރަމުންދާކަމަށް ކުޅުދުއްފުށީ ރީޖަނަލް ހޮސްޕިޓަލުން ވިދާޅުވެއެވެ. ކުޅުދުއްފުށީ ރީޖަނަލް ހޮސްޕިޓަލަކީ ބޮޑު ތިލަދުންމަތީގެ ރަށްރަށުގެ މީހުންގެ އިތުރުން އެހެން އަތޮޅުތަކުންވެސް ގިނަބަޔަކު ޚިދުމަތް ހޯދަމުންއަންނަ ހޮސްޕިޓަލެކެވެ.