ޚަބަރު
މާރާމާރީއެއްގައި އަނިޔާވި މީހަކަށް ފަރުވާދެނީ
-
މިމާރާމާރީ ހިންގާފައިވަނީ ގަލޮޅުގައި
-
އަނިޔާވީ 35 އަހަރުގެ ދިވެހި ފިރިހެނަކަށް
ޕޮލިސް ހެޑް ކުއާޓާޒް، ޝަހީދު ޙުސެއިން އާދަމް ބިލްޑިންގ/
ފޮޓޯ: ފުލުހުންގެ ޚިދުމަތް
މާލޭގައި ހިންގި މާރާމާރީއެއްގައި އަނިޔާވި މީހަކަށް ހޮސްޕިޓަލުގައި ފަރުވާދެމުންދާކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.
ފުލުހުން ވިދާޅުވީ ގަލޮޅު ހުވަފެނީ ގޯޅީގައި ބަޔަކު މާރާމާރީ ހިންގާކަމުގެ މަޢުލޫމާތު ފުލުހުންނަށް ލިބިފައިވަނީ ރޭ މެންދަމު 02:32 ހާއިރުގައިކަމަށެވެ. މިމާރާމާރީގައި އަނިޔާވި އުމުރުން 35 އަހަރުގެ ދިވެހި ފިރިހެނަކަށްކަމަށާއި އޭނާއަށް ފަރުވާ ދިނުމަށް އިންދިރާގާންދީ މެމޯރިއަލް ހޮސްޕިޓަލަށް ގެންގޮސްފައިވާކަމަށް ފުލުހުން ވިދާޅުވިއެވެ.
މިމާރާމާރީއާއި ގުޅިގެން މީހަކު ހައްޔަރުކޮށްފައިވާކަމުގެ މަޢުލޫމާތު ފުލުހުން ދެއްވާފައިނުވެއެވެ. މިމައްސަލަ ތަހުގީގުކުރަމުންދާކަމަށް ފުލުހުން ވިދާޅުވެއެވެ.