އެންބީއޭ ބާސްކެޓްބޯޅަ މުބާރާތުގައި ނިއުއޯލިއަންސް ޕެލިކަންސް އާއި ލޮސް އެންޖަލިސް ލޭކަރސް ބައްދަލުކުރިމެޗް ޕެލިކަންސް ކާމިޔާބުކޮށްފިއެވެ. މިމެޗް ޕެލިކަންސް ކާމިޔާބުކުރީ 128 ޕޮއިންޓް 111 ޕޮއިންޓުންނެވެ.
މިމެޗްގައި ޕެލިކަންސްއަށް އެންމެ ރަނގަޅު ކުޅުމެއް ދެއްކީ 36 ޕޮއިންޓް ހޯދާދިން ބްރެންޑަން އިންގްރާމްއެވެ. އަދި ލޭކަރސްއަށް އެންމެ ރަނގަޅު ކުޅުމެއް ދެއްކީ 16 ޕޮއިންޓް ހޯދައިދީ 10 ރީބައުންޑް ނެގި ކައިލް ކުޒްމާއެވެ.
މިމުބާރާތުގައި ނިއުޔޯކް ނިކްސް އާއި ވޮޝިިންގޓަން ވިޒަޑްސް ބައްދަލުކުރިމެޗް 131 ޕޮއިންޓް 113 ޕޮއިންޓުން ކާމިޔާބުކުރީ ނިކްސްއެވެ. މިމެޗްގައި ނިކްސްގެ ޖޫލިއަސް ރެންޑްލްވަނީ އެޓީމަށް 37 ޕޮއިންޓް ހޯދައިދީފައެވެ. އަދި ވިޒަޑްސްގެ ރަސެލް ވެސްޓްވުޓްވަނީ އެޓީމަށް 14 ޕޮއިންޓް ހޯދައިދީ 12 ސެސިސްޓް ދީފައެވެ. މީގެއިތުރުން ފީނިކްސް ސަންސް އާއި މައޭމީ ހީޓް ބައްދަލުކުރިމެޗް 110 ޕޮއިންޓް 100 ޕޮއިންޓުން ކާމިޔާބުކުރީ ސަންސްއެވެ. މިމެޗްގައި ސަންސްއަށް އެންމެ ރަނގަޅަށް ކުޅުނީ އެޓީމަށް 17 ޕޮއިންޓް ހޯދައިދީ 16 ރީބައުންޑް ނެގި ޑިއާންޑްރޭ އައިޓަންއެވެ. އަދި ހީޓަށް އެންމެ ރަނގަޅު ކުޅުމެއް ދެއްކީ 16 ޕޮއިންޓް ހޯދައިދީ 8 ރީބައުންޑް ނެގި ބޭމް އަޑެބަޔޯއެވެ.
މިމުބާރާތުގައި ޑެންވަރ ނަގެޓްސް އާއި އޯލާންޑޯ މެޖިކް ބައްދަލުކުރިމެޗް 110 ޕޮއިންޓް 99 ޕޮއިންޓުން ކާމިޔާބުކުރީ ނަގެޓްސްއެވެ.