މާލީ ހިދުމަތްދޭ ތަންތަނާއި ގުޅުން ހުރި ޝަކުވާތައް ހުށައެޅުމަށް ހިލޭ ގުޅޭ ހޮޓްލައިން ނަމްބަރެއް
އެމްއެމްއޭއިން ތައާރަފްކޮށްފިއެވެ.
ދަރުބާރުގޭގައި ކުރިއަށްދިޔަ ފައިނޭންޝިއަލް އެކްސްޕޯގައި ބޭއްވި
ރަސްމިއްޔާތެއްގައި ތައާރަފްކޮށްފައިވާ ހޮޓްލައިން ނަމްބަރަކީ 1444 އެވެ.
މި ހޮޓްލައިން ނަމްބަރ ތަޢާރަފްކޮށްދެއްވާ ޑެޕިއުޓީ
ގަވަރުނަރު އައިޝަތު ޒާހިރާ ވިދާޅުވީ މިހޮޓްލައިންގެ މަގުޞަދަކީ މާލީ
ހިދުމަތްފޯރުކޮށްދޭ ތަންތަނުގެ ފެންވަރު ރަނގަޅު ކުރުން ކަމަށާއި އެމްއެމްއޭ އަށް
ޝަކުވާ ހުށައެޅޭތާ ގިނަ ވެގެން ތިން ހަފްތާ ތެރޭގައި ލިޔުމަކުން އެފަރާތަކަށް
ޖަވާބް ދޭނެ ކަމަށެވެ.
މީގެ އިތުރުން އެމްއެމްއޭއިން ވަނީ ރާއްޖޭގެ އިގްތިޞާދާ ގުޅުން ހުރި މުޙިއްމު މަޢުލޫމާތުތައް ލިބޭ އެޕްލިކޭޝަންއެއްވެސް ތައާރަފުކޮށްފައެވެ.
"ވިޔަ" ގެ ނަމުގައި ރޭ ތައާރަފްކޮށްފައިވާ މި އެޕްލިކޭޝަންއިން ރާއްޖޭގެ އިންފުލޭޝަން ރޭޓާއި ޓޫރިސްޓުން ރާއްޖެއަށް ޒިޔާރަތްކުރި ޢަދަދު ފަދަ މުހިންމު މަޢުލޫމާތުތައް ލިބެން ހުންނާނެ ކަމަށް
އެމްއެމްއޭއިން މަޢުލޫމާތުދެއެވެ.
މިއެޕްލިކޭޝަންގެ އަދި ތައާރަފްކޮށްފައިވަނީ އެންޑްރޮއިޑް
ވާޝަނެއް ނަމަވެސް ވަރަށް އަވަހަށް އައިފޯނުތަކުގައި ބޭނުންކުރެވޭގޮތަށް
އެޕްލިކޭޝަން ފަރުމާކޮށް ތައާރަފްކުރެވޭނެކަމަށް އެމްއެމްއޭއިން މަޢުލޫމާތުދެއެވެ.