އިންޑިޔާގެ ބޮޑުވަޒީރު ނަރެންދްރާ މޯދީ ކޯވިޑް-19 ވެކްސިންގެ ފުރަތަމަ ޑޯޒް ޖައްސަވައިފިއެވެ. ބޮޑުވަޒީރު މޯދީ ވެކްސިން ޖައްސަވާފައިވަނީ ނިއު ދިއްލީގައި ހުންނަ އޯލް އިންޑިޔާ އިންސްޓިޓިއުޓް އޮފް މެޑިކަލް ސައިންސަސް، އެއިމްސް ހޮސްޕިޓަލުގައެވެ. މޯދީ ޖައްސަވާފައިވަނީ ބަރަތު ބަޔޯޓެކްގެ ކޯވެކްސިންއެވެ.
ވެކްސިން ޖެއްސެވުމަށްފަހު ކުރެއްވި ޓްވީޓެއްގައި ބޮޑުވަޒީރު މޯދީވަނީ ވެކްސިން ޖެހުމަށް ޝަރުތު ފުރިހަމަވާ ހުރިހާ އެންމެންވެސް ވެކްސިން ޖެހުމަށް ގޮވައިލައްވާފައެވެ. އެންމެން އެކުގައި މަސައްކަތްކޮށްފިނަމަ އިންޑިޔާއިން ކޯވިޑް ފުހެލެވޭނެކަމަށް މޯދީގެ ޓްވީޓުގައި ވިދާޅުވިއެވެ.
އެމެރިކާއަށް ފަހު ދެވަނައަށް އެންމެ ގިނަ ޢަދަދެއްގެ މީހުންނަށް ކޯވިޑް ޖެހިފައިވާ ޤައުމުގެ ގޮތުގައި އޮތީ އިންޑިޔާއެވެ. އިންޑިޔާގައި މިހާތަނަށް 11.12 މިލިއަން މީހުންނަށް ބަލިޖެހި 157،257 މީހުންވަނީ އެ ބަލީގައި މަރުވެފައެވެ.
މިދިޔަ ޖަނަވަރީ މަހުގެ މެދުތެރެއިން ފެށިގެން އިންޑިޔާގައި ކޯވިޑް ވެކްސިން ދިނުމުގެ މަޝްރޫޢު ކުރިއަށްދާއިރު އެ ޤައުމުގައި މިހާތަނަށް 12 މިލިއަނަށްވުރެ ގިނަ ޞިއްޙީ ޚިދުމަތްތެރިންނާއި ކުރީ ސަފުގައި މަސައްކަތްކުރާ ފަރާތްތަކަށްވަނީ ކޯވިޑް ވެކްސިން ދީފައެވެ. އެ ޤައުމުން މިހާރުވަނީ އުމުރުން 60 އަހަރުން މަތީގެ މީހުންނާއި، ޞިއްޙީ އެކިކަހަލަ މައްސަލަތައް ހުރި އުމުރުން 45 އަހަރުން މަތީގެ މީހުންނަށް ވެކްސިން ދިނުމަށް ހުޅުވާލައިފައެވެ.
އިންޑިޔާގެ ސީރަމް އިސްޓިޓިއުޓުން ތައްޔާރުކުރާ އެސްޓްރަޒެނެކާގެ ކޯވިޝީލްޑް ވެކްސިނާއި ބަރަތު ބަޔޯޓެކުން އުފައްދާފައިވާ ކޯވެކްސިނާއި ދެ ވެކްސިން އެ ޤައުމުގެ ވެކްސިން މަޝްރޫޢުގައި ދަނީ ބޭނުންކުރަމުންނެވެ. ދެ ވެކްސިންގެ ތެރެއިން ވެކްސިނެއް އިޚްތިޔާރުކުރުމުގެ ފުރުޞަތު އިންޑިޔާއިން މީގެ ކުރިން ދީފައި ނުވީ ނަމަވެސް، އެމީހަކު ޖަހަން ބޭނުންވާ ވެކްސިނެއް އިޚްތިޔާރު ކުރުމުގެ ފުރުޞަތު ސަރުކާރުން މިހާރުވަނީ ދީފައެވެ.
Took my first dose of the COVID-19 vaccine at AIIMS.
— Narendra Modi (@narendramodi) March 1, 2021
Remarkable how our doctors and scientists have worked in quick time to strengthen the global fight against COVID-19.
I appeal to all those who are eligible to take the vaccine. Together, let us make India COVID-19 free! pic.twitter.com/5z5cvAoMrv
މިދިޔަ ޖަނަވަރީ މަހުގެ މެދުތެރެއިން ފެށިގެން އިންޑިޔާގައި ކޯވިޑް ވެކްސިން ދިނުމުގެ މަޝްރޫޢު ކުރިއަށްދާއިރު އެ ޤައުމުގައި މިހާތަނަށް 12 މިލިއަނަށްވުރެ ގިނަ ޞިއްޙީ ޚިދުމަތްތެރިންނާއި ކުރީ ސަފުގައި މަސައްކަތްކުރާ ފަރާތްތަކަށްވަނީ ކޯވިޑް ވެކްސިން ދީފައެވެ. އެ ޤައުމުން މިހާރުވަނީ އުމުރުން 60 އަހަރުން މަތީގެ މީހުންނާއި، ޞިއްޙީ އެކިކަހަލަ މައްސަލަތައް ހުރި އުމުރުން 45 އަހަރުން މަތީގެ މީހުންނަށް ވެކްސިން ދިނުމަށް ހުޅުވާލައިފައެވެ.
އިންޑިޔާގެ ސީރަމް އިސްޓިޓިއުޓުން ތައްޔާރުކުރާ އެސްޓްރަޒެނެކާގެ ކޯވިޝީލްޑް ވެކްސިނާއި ބަރަތު ބަޔޯޓެކުން އުފައްދާފައިވާ ކޯވެކްސިނާއި ދެ ވެކްސިން އެ ޤައުމުގެ ވެކްސިން މަޝްރޫޢުގައި ދަނީ ބޭނުންކުރަމުންނެވެ. ދެ ވެކްސިންގެ ތެރެއިން ވެކްސިނެއް އިޚްތިޔާރުކުރުމުގެ ފުރުޞަތު އިންޑިޔާއިން މީގެ ކުރިން ދީފައި ނުވީ ނަމަވެސް، އެމީހަކު ޖަހަން ބޭނުންވާ ވެކްސިނެއް އިޚްތިޔާރު ކުރުމުގެ ފުރުޞަތު ސަރުކާރުން މިހާރުވަނީ ދީފައެވެ.